⚡Тываның хоочун хол бөмбүкчүлери Улан-Баторга делегей чергелиг маргылдаага киришкен — 3 сентября 2026 г. в 04:48:33.275
⚡Тываның хоочун хол бөмбүкчүлери Улан-Баторга делегей чергелиг маргылдаага киришкен ✍Моолдуң найысылалы Улан-Батор хоорайга делегей чергелиг хол бөмбүнүң маргылдаазынга 86 команда киришкенин Тываның хол бөмбүүнүң хоочуннар Лигазы дыңнаткан. Маргылдаага 43 эр, 43 херээжен хол бөмбүкчүлериниң командазы киржип, чараш оюнун көргүскен. «Тыва Республиканы ийи эр, беш херээжен улус командазы төлээлеп, маргылдаага бедик деңнелдиг белеткелди көргүскен. Хоочун спортчуларывыс хол бөмбүүнге эки киришкенинге чоргаарланып тур бис» – деп, Тыва Республиканың хол бөмбүүнүң хоочуннар Лигазының тургузукчуларының бирээзи Роман Шинин дыңнаткан. Хоочун эр хол бөмбүкчүлери 50-57 харлыг спортчулар аразынга үшкү черни чаалап алган. Херээжен спортчулар командазы 35-42, 43-49 болгаш 58-60 харлыглар аразынга дөрткү черлерге тус-тузунда төлептиг болган. Саяна Кууларга «Эң эки камгалакчы» деп тускай шаңналды тывыскан.