Тувинская детская библиотека им. К.И. Чуковского
Образование · 30 октября 2026 г.
Республикага Тыва дыл хүнүн 2016 чылда демдеглеп эрттирип эгелээнден бээр Ноябрь 1 – ты...
Республикага Тыва дыл хүнүн 2016 чылда демдеглеп эрттирип эгелээнден бээр Ноябрь 1 – тыва чоннуң база бир улуг байырлалы болу берген. Тыва дыл – бистиң төрээн чонувустуң өске чоннардан онзаланып чоруур эң-не дээди эртинези, байлакшылы. Кандыг-даа омак-сөөктүг кижиниң дээди чоргааралы – ооң төрээн дылы болур. Кижи төрелгетенниң ниитилелинде аңгы-аңгы аймак-сөөктүг чон бүрүзү төрээн дылын, төөгүзүн, үндезин культуразын, ада-өгбелериниң чаагай чаңчылдарын болгаш ыдыктыг сүзүглелдерин салгалдан салгалче дамчыдып, ол-ла бүгүнү кезээ мөңгеде кадагалап арттырып алырын күзеп чоруур. Ынчангаштың чаштар болгаш өг-бүле номчулгазының төвүнүң ажылдакчылары 5 дугаар школаның 4 «б» болгаш 4 «г» класстарынга тыва дыл дугайында уругларга билиндирип, тыва дыл Тыва Республиканың күрүне дылы, тѳрээн дылы деп чүүлдү чугаалап, «Төрээн дылым-тыва дылым» – деп ыыткыр, аянныг номчулганы эртирип, ө. ү. ң – деп үжүктерни шын номчуп чаңчыктырып, ребустарда чаштынган сѳстерни тыптырып, тѳрээн дылынга, чонунга хүндүткелдиг, хумагалыг болурун чагаан. #Чуковка17 #ТываДыл #ТорээнДылымТываДылым #ДеньТувинскогоЯзыка #ТРДБимЧуковского #БиблиотекиТывы