«Шын бижилгениӊ тергиини» деп диктант мөөрейи болган
«Шын бижилгениӊ тергиини» деп диктант мөөрейи болган Тыва Республиканыӊ Улустуӊ чогаалчызы А.А. Даржай аттыг Кызылдыӊ педагогика институдунга тыва дыл хүнүнге уткуштур «Шын бижилгениӊ тергиини» деп студентилер аразынга хемчег болган. Ук мөөрейге ниитизи-биле 35 кижи киришкен. Диктантыныӊ сөзүглели кылдыр Тываныӊ Улустуӊ чогаалчызы Кызыл-Эник Кудажыныӊ «Уйгу чок Улуг-Хем» деп роман-эпопеязыныӊ алдын томунда «Улуг-Хем күзүн-даа удувас…» деп эпилогун шилип алган. Мөөрейниӊ эгезинде, «Саян» аттыг күрүнениӊ ыры-сам ансамблиниӊ тырттырганы «Улуг-Хем» деп хөгжүмнүг клипти киржикчилер улуг сонуургал-биле көргеннер. «Улуг-Хем күзүн-даа удувас…» деп сөзүглелди тыва дыл, чогаал башкызы Шенне Азыраа номчаан. Мөөрейге шылгараан киржикчилерни илередип, шаӊналдыг черлерни тывыскан. 1-ги черге Доржу Хертек (2 курс НООВД_305 бөлүк) төлептиг болган. 2-ги черни Аяк-Хээ Донгак (1 курс ТиНО_306 бөлүк) болгаш Оргаадай Ооржак (3 курс ДОРо_304 бөлүк) алганнар. 3-кү черге Уранзай Монгуш (3 курс ДОРо_304 бөлүк) болгаш Шынгыраа Монгуш, Диана Кужугет (1 курс ТиНО_306 бөлүк) төлептиг болганнар. Шылгараан студентилерге байыр чедирип, тыва дылывыска чоргаарланып, ону хумагалап, үнелеп чоруурун күзедивис! #ТувГУ #КПИ #ДеньТувинскогоЯзыка #ТываДыл
Канал в каталоге Максиметера
7 946 подписчиков · Образование