Ыам ыйын 16 күнүгэр, "Тыйаатыр аптаах эйгэтэ - оҕолорго" диэн улуустааҕы күрэх ыытылынн... — 18 мая 2026 г. в 09:36:54.076
Ыам ыйын 16 күнүгэр, "Тыйаатыр аптаах эйгэтэ - оҕолорго" диэн улуустааҕы күрэх ыытылынна. Маннык тэрээһин оҕолорго тыйаатыр ускуустубатыгар талааннарын арыйалларыгар, сценаҕа холкутук тутталларыгар, өйдөрүн-санааларын сайыннаралларыгар олус наадалаах. Тэрээһин бастакы чааһыгар куруһуок салайааччылара сценаҕа тахсан, хайдах бэлэмнээхтэрин, үлэлиир ньымаларын, оҕолору кытта ситиспит ситиһиилэрин слайданан көрдөрөн, кэпсээн билиһиннэрдилэр. Биһиги оскуолабытыттан "Ача" драматическай куруһуок салайааччыта Лазарева А.Н. кыттыыны ылла. Иккис чааһыгар оҕолор оонньоон көрдөрдүлэр. Биһиги оҕолорбут Ойуунускай "Ийэм Дьэбдьэкиэй уҥуоҕар" хоһоонугар олоҕуран кылгатыллыбыт дьүһүйүүнү көрдөрдүлэр. Айаан Эргичимин хоһоону толордо, Ийэ оруолун Кэрэчээнэ Егасова, оттон оҕо оруолун Кэскил Варламов оонньоотулар. Ханнык да тылы умнубакка, сөптөөх хамсаныылары туттан, оруолларын итэҕэтиилээхтик оонньоотулар. Ону таһынан Егор Стручков Н.Е.Мординов - Амма Аччыгыйа «Бэһис тоҕо» айымньытын олус үчүгэйдик, арыллан аахта. Кини сценическай култууратын барытын тутуһан, куолаһын үрдэтэн-намтатан, туттан-хаптан олус холкутук прозаны аахпыта мустубут дьону сөхтөрдө, улахан ытыс тыаһын ылла. Бу күрэхтэһии оҕолорбутугар тыйаатыр аптаах эйгэтигэр өссө дириҥник киирэллэригэр, саҥа талааннары арыйалларыгар, бэйэлэригэр эрэллээх буолалларыгар төһүү күүс буолуоҕа. Бары кыттыбыт оҕолорго уонна салайааччыларга улахан махталбытын тиэрдэбит! Инникитин даҕаны саҥа сүүрээннэри, ситиһиилэри баҕарабыт!