Ыам ыйын 9 күнэ - Улуу Кыайыы күнэ! Бу күн — сэрии толоонугар олохторун толук уурбут, т... — 9 мая 2026 г. в 11:50:02.454
Ыам ыйын 9 күнэ - Улуу Кыайыы күнэ! Бу күн — сэрии толоонугар олохторун толук уурбут, тыылга күүһү-уоҕу харыстаабакка үлэлээбит дьоннорбутун ахтар-саныыр, кинилэр хорсун быһыыларын үйэтитэр ытык күн! Бүгүн Улуу Кыайыыны уруйдаан, нэһилиэкпитигэр буолбут тэрээһиҥҥэ көхтөөхтүк кытынныбыт! Нэһилиэкпит уулуссатынан үөрэнээччилэрбит, учууталларбыт уонна нэһилиэкпит олохтоохторо бары биир кэккэнэн хаамтыбыт. Хас биирдии хардыыбыт — сэрии сылларыгар өлбүттэргэ анаммыт кэриэстэбил, Кыайыыны уһансыбыттарга махтал бэлиэтэ буолар. Саамай сүрэххэ чугас түгэнинэн норуоттар икки ардыларынааҕы "Бессмертный полк. Герои рядом с нами" акция буолар. Оҕолорбут, төрөппүттэрбит, үлэһиттэрбит, сэриигэ кыттыбыт чугас дьоннорун, эһэлэрин, эбэлэрин хаартыскаларын илиилэригэр тутан, киэн тутта хаамтылар. Кинилэр ааттара хаһан да умнуллуо суоҕа, кинилэр биһиги сүрэхпитигэр өрүү тыыннаахтар! Махтал барыгытыгар, бу ытык күнү бииргэ бэлиэтээбиккитигэр! Улуу Кыайыы күнүнэн! #ОкнаПобеды #ЭхоПобеды #НавигаторыДетства #Росдетцентр #ДвижениеПервых #оВеликойПобедеНД