Аҕа дойду көмүскээччилэрин күнүгэр аналлаах оскуолабытыгар үөрүүлээх тэрээһин буолан аа...
Аҕа дойду көмүскээччилэрин күнүгэр аналлаах оскуолабытыгар үөрүүлээх тэрээһин буолан ааста. Оскуолабыт эр дьоно уонна уолаттарбыт (улахан кылаас үөрэнээччилэрэ) икки хамаандаҕа арахсан, бэйэлэрин күүстэрин-уохтарын, сатабылларын көрдөрөр күрэхтэһиигэ кытыннылар. Ол курдук: - Кус, куобах фигураларын кумахтаах мөһөөччүктэринэн быраҕаннар, ким ордук сытыы харахтааҕын, - Анал таҥаһы (костюму) төһө түргэнник кэтэллэрин, - Эмсэҕэлээбит киһиэхэ төһө түргэнник, сөпкө анал бэрэбээскини баайалларын, - Автомат маҕаһыыныгар ботуруону төһө түргэнник угалларын, - Противогаһы кэтэн эстафетаҕа сүүрүүгэ бэйэлэрин тулуурдарын, - Автомат хомуйуутугар-ырытыытыгар эр дьон сымсаларын, түргэннэрин көрдүбүт. Күрэхтэһии толору күүһүнэн, долгутуулаахтык ааста. Хас биирдии күрэхтэһиигэ эр дьон дьулуурдарын, күүстэрин-уохтарын көрдөрдүлэр. Түмүгэр, хамаандалар тэҥ очколары хомуйсан кыайыыны доҕордоһуу ылбыта диэн бары биирдии тыынынан эттибит! Бу тэрээһин мустубут дьоҥҥо үөрүүнү уонна түмсүүнү бэлэхтээтэ. Оҕолор улахан дьону кытта тэҥҥэ күрэхтэһэн, бэйэлэрин күүстэрин боруобалаан олус астыннылар. Барыбыт санаабыт өрө көтөҕүллэн, үөрэн-көтөн тарҕастыбыт. Эр дьоммут күүстээх, хорсун буоллуннар! Эйэлээх халлаан анныгар олохпут чэчирии сайда турдун!