Аныгы технология кыаҕын туһанан, Илин эҥэр улуустарын коррекционнай оскуолаларын үөрэнэ...
Аныгы технология кыаҕын туһанан, Илин эҥэр улуустарын коррекционнай оскуолаларын үөрэнээччилэрин ортотугар нуучча тылыгар дистанционнай олимпиада ыытылынна. Олимпиаданы Орто-Эбэ коррекционнай оскуолата тэрийэн ыытта. Дистанционнай формат оҕолор төрөөбүт оскуолаларыттан тахсыбакка эрэ билиигэ күүстэрин холоһоллоругар кыах биэрдэ. Бу доруобуйаларыгар хааччахтаах оҕолорго олус табыгастаах. Дистанционнай ньыма көмөтүнэн үлэлэр ситиминэн ылыллан, эппиэттэр түргэнник бэрибиэркэлэнэн кыайыылаахтар ааттара ааттанна. Биһиги оскуолабытыттан 5 кылаас үөрэнээччитэ Макаров Максим 1 миэстэ, 6 кылаас үөрэнээччитэ Эргичимин Айаан 1 миэстэ буоллулар Маннык дистанционнай олимпиадалар оҕолор аныгы кэм тэтимин кытта тэҥҥэ хаамсалларыгар, ханнык да ыраах сиргэ олордоллор бэйэлэрин кыахтарын көрдөрөллөрүгэр олук буолаллар. Бары кыттыбыт оҕолорго, кинилэрин бэлэмнээбит учууталларга өссө да элбэх ситиһиилэри баҕарабыт!