Тохсунньу 26-30 күннэригэр Аан дойдутааҕы буллинг утары охсуһуу күнүгэр аналлаах кылаас...
Тохсунньу 26-30 күннэригэр Аан дойдутааҕы буллинг утары охсуһуу күнүгэр аналлаах кылаас чаастара ыытылыннылар: Бииргэ буолан утары туруохха! Билиҥҥи кэмҥэ оскуола олоҕор буллинг, ол эбэтэр атаҕастааһын, сытыы кыһалҕанан буолар. Оҕолор бэйэ-бэйэлэрин кытта сыһыаннарын тупсарар, ытыктабылы үөскэтэр сыалтан, биһиги оскуолабытыгар буллинг тиэмэтигэр аналлаах араас кылаас чаастара ыытылыннылар. Бу чаастарга оҕолор буллинг туһунан толкуйдаатылар, ырытыыларга кыттыыны ыллылар. Сүрүн этиилэр маннык этилэр: • Буллинг диэн тугуй? Бу баттыгастааһын араас көрүҥнэрэ, холобур, тылынан хомотоһуу, физическэй күүһүлээһин, социальнай изоляция уонна интэриниэт нөҥүө атаҕастааһын (кибербуллинг) быһаарылыннылар. • Буллинг тоҕо куһаҕаный? Буллинг оҕо уйулҕатыгар, доруобуйатыгар уонна үөрэҕэр хайдах куһаҕаннык дьайарын туһунан кэпсэтии буолла. Эдэркээн ыччаттар бэйэлэрин эппиэтинэстэрин өйдөөтүлэр. Атаҕастааһыҥҥа түбэспит оҕоҕо олус ыарахан буоларын өйдөтүү үлэтин ыыттыбыт. • Буллингка хайдах утары туруохха сөбүй? Оҕолорго бэйэлэрин уонна атыттары хайдах көмүскэниэххэ сөбүн туһунан сүбэлэр бэрилиннилэр. Холобур, атаҕастыыр оҕону нэс гыныы, улахан дьоҥҥо кэпсээһин, доҕоттортон көмө көрдөөһүн. • Бииргэ буолуу күүһэ. Буллингка утары соҕотох буолбакка, бары бииргэ үлэлээтэххэ эрэ кыайыахха сөбүн ыйдыбыт. Оскуолаҕа, дьиэ кэргэҥҥэ, доҕотторго эрэнэр уонна өйөбүл буолар сыһыан наһаа суолталааҕын тоһоҕолоотобут. Кылаас чаастарын кэмигэр оҕолор ыйытыылары биэрдилэр, бэйэлэрин санааларын үллэһиннилэр. Бу тэрээһиннэр оҕолор олоххо көрүүлэригэр, бэйэ-бэйэлэрин өйдөһөллөрүгэр, ытыктаһалларыгар уонна эйэлээх буолууга улахан көмөлөөх буолуохтара диэн эрэнэбит. Оскуола – үөрэх уонна доҕордоһуу эрэ эйгэтэ буолуохтаах!