✨Бүтэһик Чуораан! ✨ — 27 мая 2026 г. в 15:42:57.010
✨Бүтэһик Чуораан! ✨ 🔔Бүгүн биһиги оскуолабытыгар оҕо сааһы кытта бырастыылаһар, инники кэскилгэ ыҥырар "Бүтэһик чуораан" чугдаарыйа тыаһаата👏👏 Бу үөрүүлээх түгэҥҥэ муниципальнай тэриллии баһылыга Яна Валерьевна үөрэх дьыла түмүктэммитинэн барыларын эҕэрдэлэээтэ, быйылгы выпускниктарга биир кэлим экзаменнарын ситиһиилээхтик туттаралларыгар алгыс тылын эттэ👏👏 🔔Үгэс быһыытынан, оскуолабыт дириэктэрэ Альбина Анатольевна үөрэх туйгуннарыгар уонна актыбыыстарыгар грамоталары, ону тэҥэ анал стипендиялары үөрүүлээх быһыыга-майгыга туттартаата👏 Выпускниктарга: И. Ариянага улуус баьылыгын грамотата, И. Таисияга уерэх управлениетын, улуустаагы спорт отделын грамоталара туттарылыннылар 👏👏👏 💫Бу күн ураты түгэнинэн Михаил Николаевич Анисимов аатынан стипендия туттарыыта буолла. Үөрэх 4-с кылааһын туйгун үөрэнээччитигэр, Анисимов Сережаҕа, Анисимовтар династияларын салҕааччылар Альбина уонна Аркадий Архангельскайдар туттардылар. Бу дьулуурдаах оҕоҕо элбэх ситиһиилэри баҕарабыт! 💫 Бу үөрүүлээх түгэҥҥэ Евсеев Виталий Михайлович, Кураьаай Мэхээлэ аҕаларын, Евсеев Михаил Александрович аатынан Анал стипендияны үлэһит, бастыҥ общественникка10-с кылаас үөрэнээччитигэр Борисов Юраҕа туттардылар. Юраҕа бу стипендия инники олоҕор тирэх буолан, үлэҕэ-хамнаска уонна общественнай үлэҕэ өссө улахан ситиһиилэргэ кынаттыага 💫Ону тэҥэ, республикатааҕы уонна улуустааҕы оҕо хамсааһынын тэрилтэтэ араас проект, акция көхтөөх кыттааччыларын бэлиэтээтэ. Ол курдук Борисов Юра уонна Игнатьева Арияна активнай позицияларын уонна айымньылаах үлэлэрин иһин Бочуоттаах грамоталарынан наҕараадаланнылар. 🔔Күндү выпускниктар! Хас биирдиигитигэр дьулуурдаах буоларгытыгар, инники олоххутугар дьолу-соргуну, үрдүк ситиһиилэри баҕарабыт! Саҥа суолгут арылыннын, аартыккыт аһаҕас буоллун! 💫