🔹Форумнуң «Буддизм культуралар диалогунда: кижи төрелгетенниң келир үези» шөлүнге Дуал... — 21 августа 2026 г. в 09:51:21.239
🔹Форумнуң «Буддизм культуралар диалогунда: кижи төрелгетенниң келир үези» шөлүнге Дуала университединиң шинчилелдер болгаш сайзырал килдизиниң удуртукчузу профессор Флавиан Аристид Альфред Тозе (Камерун) журналистер-биле ужурашкан. Россия культурлуг болгаш чаңчылчаан үнелиг чүүлдерни кадагалап арттырарының магадылалы кылдыр Камерунга буддийжи төлээлерни каттыштырарынга үлүүн киирип болурун ол чугаалаан. Профессор Флавиан Аристид Альфред Тозе хөй националдыг Камерунга культураның бот-тускайлаңын болгаш чаңчылчаан үнелиг чүүлдерни камгалаарының российжи идеязының дугайында чугаалап тура, өг-бүле бүгү-ле чүүлдерниң үндезини деп демдеглээн. Ол алыс шынны билип алыры ниитилелди каттыштырып шыдаар. «Камерундан болгаш, деткимчениң кайы хире чугулазын бодумнуң арга-дуржулгамдан билир мен. Мен Улустарның Найыралы Университетти дооскан мен, ынчангаш Россия меңээ дыка хөй чүүлдерни чедип алырынга болгаш бөгүнгү кижи болурумга дузалаан. Ол дээш, Россияга четтиргеним илередип чоруур мен» - деп, профессор Флавиан Аристид Альфред Тозе бодунуң хууда арга-дуржулгазын үлешкен. Модернизация тус черниң дылдарын, ужур-чаңчылдарын, төөгүлүг арыннарын чиде бээринге чедирбес ужурлуг дээнинге ол чөпшээрешкен. Профессор Флавиан Аристид Альфред Тозе Камерунга ооң культурлуг өнчү-хөреңгизин кадагалап арттырарынга болгаш Африка чуртунда буддийжи организацияларның каттыжарынга дуза кадарынга Россия ажыктыг партнер бооп болур. «Чижээ, Россия дээди өөредилге черлери таварыштыр ужуражылга организастааш, чуртта шупту буддистерниң каттыжарынга дузалап болур. Ынчан бис бо угланыышкынны элээн делгереңгей төлээлеп болур бис» - деп, профессор Флавиан Аристид Альфред Тозе чугаалаан.