🔹 Шагаан-Арыг хоорайда чаа котельная тудуу уламчылап турар. Объектиде ажылдар график ё... — 26 августа 2026 г. в 10:39:40.379
🔹 Шагаан-Арыг хоорайда чаа котельная тудуу уламчылап турар. Объектиде ажылдар график ёзугаар чоруп турар. Амгы үеде специалистер тудугнуң таваан кудар ажылдарны кылып турар. Ооң-биле чергелештир тудугжулар демир-бетон баганалар кудар демирлерни тургузуп эгелээн. Туттунар тудугнуң бүзүрелдии болгаш быжыы оон кол хамааржыр. Төлевилелде көрдүнгени езугаар тудугнуң өзээн тудуп, бетон холумактыг бүдүмелдиң шынарын хынап турар. Шагаан-Арыгга чаа котельнаяны ажыглалче киириптерге, хоорайның чуртталга бажыңнары болгаш социал объектилери бүзүрелдиг чылыг-биле хандыртынар. Регионнуң Энергетика болгаш чуртталга-коммунал ажыл-агый яамызызы тудуг ажылдары көрдүнген чурум езугаар чоруп турарын дыңнаткан. «Амыдырал дээш инфраструктура» национал төлевилелдиң «Коммуналдыг инфраструктураның чаартылгазы» федералдыг төлевилелиниң езугаар объектини тудуп турар. Тываның Чазаа төлевилелди боттандырары-биле Россия Федероациязының Тудуг болгаш чуртталга-коммунал ажыл-агый яамызы-биле федералдыг бюджеттен субсидия алыр дугуржулганы чарган. Котельный тудуунуң төлевилел-санаашкын документациязын 2025 чылдың июль төнчүзүнге чедир долузу-биле ажылдап кылган. 2025 чылдың август төнчүзүнде төлевилел күрүнениң эксперт сайгарылгазындан чогумчалыг түңнелди алган.