⚡️Чонар-даш уран чүүлү – Тывага үе-дүптен бээр салгал дамчып амгы үеге дээр хуулгаазын ...
⚡️Чонар-даш уран чүүлү – Тывага үе-дүптен бээр салгал дамчып амгы үеге дээр хуулгаазын шынарларны чидирбейн, Тываның культурлуг өнчүзүнүң база бир кол кезээ болуп чоруур. Тыва черниң база бир онзагай булуңу - Бай-Тайга кожууннуң Сарыг-Хая деп черде чүс-чүс чылдар бурунгаар боду бүткен ыдыктыг чалым-хая барын билир бис. Бойдустуң байлаа – чонар-дашты чалап алыры белен эвес. Ону ооң чажыдын билир, тускай шевер карактыг кижилер таваржып, дараазында барып хуулгаазын ажылдарынга янзы-бүрү овур-хевирлерже сиилбип диргизип чоруур. Бо хүнде Тыва чүгле бодунуң девискээринде ат-сураглыг даш-чонукчулары-биле эвес, а Россияның янзы-бүрү хоорайларында чонар-даш уран чүүлүн таныштырган талантылыг ажылдары-биле алдаржып, хөйге билдингир апарганы канчаар-даа аажок улуг сайзырал, чедиишкин кылдыр санаттынар. Хүндүлүг чонар-дашты сиилбип чоруур шеверлеривис! Силер Тываның салым-чаяанныг, ховар ус-шеверлери болуп, тыва үндезин культураның хөгжүлдезинге улуг үлүг-хууңарны киирип, чонувустуң эртинези – чонар-дашты – үзүктел чок бурунгаар сайзырадып чоруур кижилер силер. Бо онзагай чараш байырлалыңар-биле изиг байырны чедирбишаан, каң дег кадыкшылды, аас-кежикти, хей-аъдыңар бедик чоруурун, тура-сорууңар быжыг болурун йөрээп тур бис!