Хүндүлүг эш-ѳѳр! 📢📢📢
Хүндүлүг эш-ѳѳр! 📢📢📢 Тыва Республиканың литературлуг сеткүүлү «Улуг-Хем» 1946 чылдың август 25-те үндезилеттингеш, амгы үеде «Улуг-Хемниң агымы» деп аттыг үнүп турар. Сеткүүл шылгараңгай чогаалчыларның база аныяк авторларның ажылдары-биле номчукчуларга таныштырып, тыва литератураны сайзырадыр база бир чепсээ болбушаан хевээр. 2026 чылдың үндүрүлгезиниң кол редактору кылдыр шүлүкчү, очулдурукчу, ТР-ның Чогаалчылар эвилениниң кежигүнү Лидия Хорагаевна Ооржак, кол тургузукчузу кылдыр Кежик Константинович Коңзай ажылдааннар. Сеткүүлдүң 2026 чылда бирги дугаарында Николай Кууларның, Саяна Ѳндүрнүң, Маадыр-оол Ховалыгның, Октябрь Туң-оолдуң дээш оон-даа ѳске билдингир чогаалчыларның чечен чугаалары, шиилери база шүлүктери парлаттынган. Тыва культураны нептередип, сайзырадыр сорулга-биле парлап үндүрген «Улуг-Хемниң агымы» деп литературлуг сеткүүлдүң I-ги үндүрүлгезиниң презентациязынче силер бүгүдени чалап тур бис. Болур хүнү, шагы: Ноябрьның 6-да, 14:00 шакта. Болур чери: Тыва үндезин культура тѳвү #Российскийфондкультуры #нацпроекты #семейныеценности #инфраструктуракультуры #нацпроектсемья #Министерствокультуры Проект реализован с использованием гранта, предоставленного ООГО «Российский фонд культуры
Канал в каталоге Максиметера
1 435 подписчиков · Хобби и творчество