Иртәгә, 21 августта, "Өмет"ебезнең чираттагы 1910 нчы саны дөнья күрәчәк. Шулай ук газе... — 20 августа 2026 г. в 09:22:25.050
Иртәгә, 21 августта, "Өмет"ебезнең чираттагы 1910 нчы саны дөнья күрәчәк. Шулай ук газета укучыларга "Татарлар - Без бергә" кушымтасы да барып ирешәчәк. Бу атнада газетабыз нинди яңалыкларга бай соң? Губернатор Алексей Русских Засвияжье районында йорт яны территорияләрен ремонтлау эшләренең сыйфатын тикшерде. Ульяновск өлкәсенең 18 мәктәбендә һәм 2 балалар бакчасында капиталь ремонт тәмамланган. Ә Димитровград шәһәренең данлыклы Габдулла Тукай исемендәге 22 нче мәктәбендә ахырына якынлашып килә. Заволжье районы татар милли-мәдәни автономиясе рәисе, Ислам мәдәни-агарту үзәге җитәкчесе Рафаэль Назмутдинов шушы көннәрдә генә СВО зонасында булып, дошманга каршы сугышучы ир-егетләребезгә гуманитар ярдәм тапшырды. Ульяновск шәһәрендә Сембер-нең данлыклы сәүдәгәре Шәмшетдин Абушаевның нәсел дәвамчылары - оныклары Айгөл һәм Альфред Мансуровлар булып китте. Тимерьюл районының “Винновская роща” ял паркында “Дуслар җыелган җирдә” йола бәйрәме узды. "Балалар сәхифәсе"нең чираттагысы Белем көненә багышлана.