Бүген Ульяновск шәһәре Иделаръягы районының халыкны социаль яклау бүлегендә Халыклар бе... — 15 апреля 2026 г. в 12:35:38.891
Бүген Ульяновск шәһәре Иделаръягы районының халыкны социаль яклау бүлегендә Халыклар бердәмлеге елына старт бирелде. Әлеге проектны социаль яклау бүлеге хезмәткәре Татьяна Алексанина ачып җибәрде. Ислам мәгърифәтчелек үзәгенең Гостомель десанты музее җитәкчесе, АНО "Хәтер" рәисе Резедә Ханнанова чернобыльчеләргә, Чернобль фаҗигасенә 40 ел тулу уңаеннан, күкрәк билгесе тапшырды. Халыклар бердәмлеге елына багышланган проект Татар теле һәм мәдәнияте көне белән башланып китте. Кунакларны җирле татар автономиясе рәисе, Ислам мәгърифәтчелек үзәге җитәкчесе Рафаэль Назмутдинов сәламләде. Үзәк активистлары һөм Зөлфинә Галяутдинова җитәкчелегендәге җирле "Ак калфак" кызлары җыр-биюләрен, милли моңнарыбызны бүләк иттеләр. 64 нче мәктәп укучылары (ана теле укытучылары Рания Абдуллина) бәйрәмнең бизәгәнә әверелде. Бәйрәм татар халык ризыклары белән чәй эчеп тәмамланды.