1927с. атырдьах ыйын 1 күнүттэн С. Н. Донской-II үөрэх уонна доруобуйа харыстабылын нар... — 12 июля 2026 г. в 01:57:35.584
1927с. атырдьах ыйын 1 күнүттэн С. Н. Донской-II үөрэх уонна доруобуйа харыстабылын наркомунан ананар. Кинини 1928 сыл тохсунньу 1 күнүттэн ыла П. А. Ойуунускай солбуйар. Ол кэнниттэн Семен-II методическай Советы салайар, ыстаарсай инспектор буолар. 1927 с. муус устар ыйыттан 1929 с. кулун тутар ыйыгар диэри «Ыраас олох» бырабылыанньатын председателин солбуйааччытынан ананар. Ити кэм устатыгар тыа нэһилиэнньэтин сэллик уонна трахома ыарыыларыттан эмтээһини күүскэ ыытар, улуустар санитарнай туруктарын тупсарыыга кэккэ дьаһаллары олохтуур. С. Н. Донской-II бу орто дойдубутугар баара суоҕа 43 сыл эрэ олорбута. Кини туох баар өйүн-санаатын, үлэлиир дьоҕурун, бүттүүн олоҕун төрөөбүт сахатын норуота сайдарыгар, үөрэхтээх, сайдыылаах буоларыгар баҕаран, Саха республикатын, государственноһын төрүттэспитэ уонна бөҕөргөппүтэ. Кини чаҕылхай олоҕун туоһутунан Саха республиката дойду үрдүнэн эрэ буолбакка аан дойдуга киэҥник биллибит университеттаах, наука академиялаах, тыа-хаһаайыстыбатын академиялаах, Россия наукаларын академиятын Саха сиринээҕи научнай кииннээх Россия Федерациятын бөдөҥ научнай-культурнай киининэн буола сайынна. Онон Семен Николаевич Донской - II сырдык мөссүөнүнэн, норуотугар бэриниилээх чаҕылхай олоҕунан Малдьаҕар нэһилиэгин, Ньурба улууһун дьоно, Саха норуота киэн туттар, эдэр көлүөнэни кини үтүө холобуругар иитэр, сайыннарар, улаатыннарар. Аммага буолбут республиканскай педагогическай ааҕыыларга регистрация тумугунэн барыта 210 киьи кытынна. Курэхтэьии тумугунэн 16 бастын дакылааттар ааттаннылар. С. Н. Донской-II аатынан уөрэх сайдыытын уонна квалификацияны үрдэтии институгар (директор Шишигин Ю.Е.), Амма управлениетын улэһиттэригэр, дьонугар-сэргэтигэр педагогическай ааҕыылары урдук таһымна тэрийбиттэригэр улахан махталбытын тиэрдэбит! Бу суруйуубар бырааттыы Донскойдар ааттарынан музей матырыйаалларыттан тутуннум. Татьяна Прокопьевна Иванова - Бырааттыы Донскойдар ааттарынан музей тэрийээччитэ, Ньурба оройуонун Малдьагар оскуолатын ор сылларга улэлээбит дириэктэр, эксперт.