Улуустааҕы агро-онньуулар күрэс сатабыллаах, дьоҕурдаах оголору 2-с төгүлүн түмтэ
Улуустааҕы агро-онньуулар күрэс сатабыллаах, дьоҕурдаах оголору 2-с төгүлүн түмтэ Амма 1 нүөмэрдээх орто оскуолатын алын кылааһын учууталларын холбоһуга уонна идэни талар учууталлар кыттыылаах «АГРОИГРЫ» бырайыак, быйыл Амма улууһугар тыа хаһаайыстыбатын сылын чэрчитинэн ыытылынна. Бырайыак салайааччыта Виктория Дьяконова бэлиэтииринэн, бу бырайыак чопчу алын кылаас оҕолоругар ыытыллара ордук тоҕоостоох. Оҕо кыра сааһыттан сүрэхтээх, ийэ дойдутугар бэриниилээх, өбүгэлэрбит төрүт үгэстэрин умнубакка, иитии биир көдьүүстээх, туһалаах ньымата буолар. Күрэс кыттааччыларыгар бэйэтин санаатын, маны тэҥэ, Москва куоракка ситиһиитин Амма 1 нүөмэрдээх орто оскуолатыттан Егор Баттахов кэпсээтэ уонна кэлбит ыалдьыттарга, кыттааччыларга кыайыылаах мүөтүттэн амсатта. Быйылгы күрэскэ барыта 8 хамаанда күөн көрүстэ. Оо курдук Амма лиссиэйиитэн -2, Бологуртан, Эмистэн, Бетүҥтэн 1-дии, Амма 1 нүөмэрдээх ОО -3 хамаанда. Барыта 40 эдэр кыттааччы. Күрэс түмүгүнэн кыайыы өрөгөйүн биллилэр: 🥇1 миэстэ - Амма 1нүөмэрдээх ОО «Пятерка» хамаандата, сал. Борисова П.А 🥈2 миэстэ - Бологур ОО «Заря» хамаанда, сал. Захарова М.А. 🥉3 миэстэ- Бөтүҥ ОО «Сулустар» хамаанда, сал. Эверстова С.Н. Кыайыылаахтарга уонна бары кыттыбыт хамаандаларга күрэс үрдүк таһымҥа ааспытынан итии-истиҥ эҕэрдэ! Эһиилги оонньууларга өссө бэлэмнээх кэлэн, тыа сирин кэскилин уһансыаххыт диэн эрэнэбит.