🚀"Инженернэй күрэс" маҥнайгы күнэ түмүктэннэ
🚀"Инженернэй күрэс" маҥнайгы күнэ түмүктэннэ Алтынньы 26-27 күннэригэр академик Л.В. Киренскэй аатынан Амма лиссиэйигэр 7-8 кылаас үөрэнээччилэригэр иккис төгүлүн ыытыллар улуустааҕы "Инженернэй күрэс" («Инженерные соревнования») маҥнайгы күнэ үрдүк таһымнаахтык ааста. Бу тэрээһин кэлэр кэм инженердэрин иитэр, саҥа техническэй билиилэри тарҕатар сүрүн соруктаах ыытыллар. Улуус араас оскуолаларыттан талааннаах үөрэнээччилэр, сайдыыга дьулуурдаах оҕолор кэлэн кыттыыны ыллылар. Ол курдук Абаҕа, Бөтүҥ, Мээндиги, Покровка, Амма маҥнайгы, иккис нүөмэрдээх оскуолаларыттан уонна Амма лиссиэйиттэн уопсайа 16 хамаанда көхтөөх кыттыыны ыллылар. Хас биирдии хамаанда бэйэтин кыаҕын, айар дьоҕурун толору арыйарга дьулуста. Оҕолорго араас уустук соруктар бэриллибиттэрэ. Онтон толлон турбакка инженернэй хайысхаларга бэйэлэрин билиилэрин, сатабылларын көрдөрдүлэр. Хамаандалар саҥа техниканы оҥоруу, быһаарыылары толкуйдааһын курдук үлэлэри оҥордулар. Бу күрэс оҕолорго саҥа билиини биэрэр, айар дьоҕуру сайыннарар, бииргэ үлэлииргэ үөрэтэр уонна саҥаны айарга көҕүлүүр улахан суолталаахтар. Тэрээһин устата оҕолор бэйэ-бэйэлэрин өйөһөн үлэлээтилэр. Ити курдук, «Инженернэй күрэс" маҥнайгы күнэ үрдүк таһаарыылаахтык ааста. Бүгүн хамаандалар икки ардыларыгар эгил-тэгил түсүһүү буолан, туох да диэн сабаҕалыыр кыахпыт суох. Сарсын түмүк күҥҥэ хас биирдии хамаандаҕа, кыттааччыларга ситиһиини баҕарабыт! Ханнык хамаанда кыайыы өрөгөйүн билбитин сарсын билиэхпит.