Өксөкү сиэннэрин кэккэлэрэ хаҥыыр
Өксөкү сиэннэрин кэккэлэрэ хаҥыыр Сэтинньи ый 3 күнүгэр, Сомоҕолоһуу күнүн көрсө, Соморсун нэһилиэгин "Чэчир" уһуйаанын улахан уонна бэлэмнэнии бөлөх иитиллээччилэрэ "Орлята дошколята" - "Өксөкү сиэннэрэ" хамсааһын кэккэтигэр киирдилэр. Тэрээһиҥҥэ Амма улууһун үөрэҕириигэ салалтатын "Навигаторы детства" федеральнай бырайыак муниципальнай координатора Майя Капитоновна Карманова ыҥырыылаах ыалдьыт буолла. Оҕолор андаҕар эттилэр, Өксөкүлээх алгыһын иһиттилэр. Майя Капитоновна оҕолорго бэлиэ значоктары кэтэртэ, "Орлята дошколята " логотибын уонна Саха сирин картатын бэлэх уунна. Кырачаан оҕолорбут куруук доҕордуу, төрөппүттэрин, төрөөбүт дойдуларын таптыыр, ытыктыыр үтүө дьон буола улаатыахтара диэн эрэнэбит.
Канал в каталоге Максиметера
268 подписчиков · Госорганы и учреждения