Гаилә, мәхәббәт һәм тугрылык көне уңаеннан Әтнә ЗАГС бүлеге район администрациясе белән... — 10 июля 2026 г. в 06:31:13.913
Гаилә, мәхәббәт һәм тугрылык көне уңаеннан Әтнә ЗАГС бүлеге район администрациясе белән берлектә бик матур, күңелгә үтеп керерлек, рухи чара узды. Районыбызның 50 һәм 60 ел бергә гомер кичергән, алтын һәм бриллиант туйларын билгеләп үтүче гаилә парларын зурладылар.🎉🌞💫 - Сез һәркайсыгыз – яшьләр өчен чын үрнәк. Ярты гасырдан артык вакыт дәвамында бер-берегезгә таянып, мәхәббәтне саклап яшәү – зур бәхет һәм олы хезмәт нәтиҗәсе ул. Тормышның авырлыкларын да, шатлыкларын да уртаклашып, гаилә ныклыгының, тугрылыкның һәм сабырлыкның гали үрнәген күрсәтәсез. Мондый гаиләләрдәге татулык, үзара хөрмәт – безнең район горурлыгы, - диде үзенең чыгышында районыбыз башлыгы Рөстәм Хисамиев. Чара барышында гаиләләрнең үзләренә дә сүз бирделәр. Алардан озак, тигез гомер яшәүнең сере турында сораштылар. Һәркайсы бер сүздә булып, сабыр булырга, бер-береңне хөрмәтләп яшәргә кирәк, диделәр #крепкаясемья #татарстансемья #крепкаясемьятатарстан #загстатарстан #загсытатарстана #семьитатарстана