Балтач ЗАГС бүлеге хезмәткәрләре район администрациясе белән берлектә мәдәният үзәгендә... — 7 июля 2026 г. в 13:02:29.068
Балтач ЗАГС бүлеге хезмәткәрләре район администрациясе белән берлектә мәдәният үзәгендә, Гаилә, мәхәббәт һәм тугрылык көне уңаеннан, тантаналы чара узды. Чарага бер-берсе өчен ныклы терәк-таяныч булып, олы тормыш тәҗрибәсе туплаган, ил-көннәргә лаеклы балалар үстергән, оныклар тәрбияләүгә дә зур өлеш кертеп яшьләрең булышчылары булып яшәүче гаиләләр чакырылды. Тантаналы бәйрәм чарасын, котлау теләкләре белән, муниципаль район башлыгы Рамил Рәшит улы Нотфуллин ачып җибәрде. Балтач районында пар канатлы, сикәлтәле гомер юлларыннан матур итеп бергә атлаучы, бер-берсен яратышып, күгәрченнәр кебек гөрләшеп яшәүче гаиләләр бик күп. Ихлас бәйрәм теләкләреннән соң, Рамил Рәшит улы яшьлек мәхәббәтенә тугрылыклы булып калган, олыгайган көннәрендә дә мәхәббәтләрен сүрелдермичә саклап яшәүче парларга Рәхмәт Хатлары тапшырып узды. #крепкаясемья #татарстансемья #крепкаясемьятатарстан #загстатарстан #загсытатарстана #семьитатарстана