2026 сыл бэс ыйын 12 күнүгэр, оруобуна Россия күнүгэр түбэһиннэрэн, Сунтаар улууһун Сиэ... — 15 июня 2026 г. в 01:30:02.061
2026 сыл бэс ыйын 12 күнүгэр, оруобуна Россия күнүгэр түбэһиннэрэн, Сунтаар улууһун Сиэйэ нэһилиэгин дьаһалтатыгар, нэһилиэк сайдыытыгар сүҥкэн кылааттарын киллэрбит, 50 сыл устата бииргэ олорон кыһыл көмүс сыбаайбаларын бэлиэтиир Мария Андреевна уонна Алексей Прокопьевич Филипповтары чиэстээһин буолан ааста. Үбүлүөйдээхтэри нэһилиэк баһылыга Александр Николаевич Романов эҕэрдэлээтэ. Үбүлүөйдээхтэр Сунтаар улууһун дьиэ кэргэттэрин Кыһыл көмүс кинигэтигэр 50 сыллаах сойуустарын илии баттаан бигэргэттилэр. Мария Андреевна уонна Алексей Прокопьевич үйэ аҥарын устата тапталы уонна бэйэ-бэйэҕэ ытыктабылы илдьэ кэлбит аҕыйах дьонтон биирдэстэрэ. Кинилэр күүстээх дьиэ кэргэн ситимин, бэриниилээх таптал уонна эрэл чаҕылхай холобурдара буолаллар. 50 сыл устата бииргэ олорон, уоллаах кыыс оҕону төрөтөн, 1 уол оҕону иитэн-үөрэтэн таһаардылар. Кинилэр 14 сиэн тапталлаах эбээлэрэ, эһээлэрэ буолаллар. Күндү Мария Андреевна уонна Алексей Прокопьевич! Эһигини кыһыл көмүс үбүлүөйгүтүнэн ис сүрэхтэн итиитик эҕэрдэлиибит, чэгиэн доруобуйаны баҕарабыт. Хас биирдии үүнэр сыл дьиэ кэргэҥҥитигэр саҥа үөрүүлэри, дьолу-соргуну, этэҥҥэ буолууну уонна уһун үйэни аҕаллын! Сунтаар улууһун Сиэйэ нэһилиэгин дьаһалтатын РАГС сүрүн специалиһа Филиппова М.Ю.