📹📽️«Айан -тур» диэн уулусса киинэтин бэстибээлэ үрдүк таһымнаахтык ыытылынна. — 3 июня 2026 г. в 01:59:08.962
📹📽️«Айан -тур» диэн уулусса киинэтин бэстибээлэ үрдүк таһымнаахтык ыытылынна. Бырайыак Ил Дархан гранын кыайыылааҕа. Бырайыак ааптардара Елена Алексеева «Знаниум” үөрэх киин некоммерческайа суох тэрилтэ салайаачыта, В.В. Филиппов аатын Бэрдьигэстээх улуустааҕы гимназиятын эдэр педагогтара. Бэстибээлгэ Дьокуускай куораттан, Мэҥэ-Хаҥаластан, Бэрдьигэстээхтэн араас ис хоһоонноох, интэриэһинэй тиэмэлээх 10 тэттик киинэ киирбитэ. Киинэлэри дьүүллүүр сүбэ бэстибээл буолуон иннинэ Дьокуускайтан, Бэрдьигэстээхтэн биирдиилээн көрөн, ырытан, түмүк таһаарбыта. Дьүүллүүр сүбэҕэ Бэрдьигэстээх норуодунай тыйаатырын режиссера Елизавета Мартынова, Култуура унна духуобунай сайдыы управлениетын специалиһа Айталина Санникова киирэн үлэлээтилэр. Бэс ыйын 1 күнүгэр бэстибээл бастыҥ киинэлэрин ааттаатылар, маастар-кылаастар ыытылыннылар, киинэлэри көрдөрдүлэр. Култуура управлениятын салайааччытын солбуйааччы Софья Алексеева улууска киин сайдыытын туһунан иһитиннэриини оҥорбута. Бэстибээл маастар-кылаас ыытааччыларыгар управление аатыттан махтал суруктары туттарда. Түмүккэ, киинэ бэстибээлигэр 1 миэстэни Хаптаҕай орто оскуолатын «Иччи» киинэтэ ылла уонна 10 тыһыынча суумалаах сэртипикээтинэн наҕараадаланна. 2-3 миэстэлэри Дьокуускайтан «Сыдьаай” киинэ мастарыстыбатын оскуолатын “Вне сети” уонна “Мечты” киинэлэрэ ыллылар уонна 8-5 тыһыынча сууммалаах сэртипикээтинэн наҕараадаланнылар. Номинаннарга анал сэртипикээттэр туттарылыннылар. Горнай улуустан В.В.Филиппов аатынан Бэрдьигэстээх улуустааҕы гимназия үөрэнээччилэрэ, пришкольнай интернат тэттик киинэлэри устан кыттыбыттара. Ити курдук киинэ бэстибээлин бастакы түһүмэҕэ биир санаалаах элбэх дьону түмтэ, саҥа талааннары арыйда. Салгыы тэрийээччилэр нэһилиэктэринэн сылдьан аһаҕас халлаан анныгар күрэххэ кыттыбыт тэттик киинэлэри нэһилиэнньэҕэ көрдөрүөхтэрэ.