Порядок чтений: Понедельник, 4 мая 2026 г. (21 апреля ст.ст.) — 3 мая 2026 г. в 16:17:04.505
Порядок чтений: Понедельник, 4 мая 2026 г. (21 апреля ст.ст.) Седмица 4-я по Пасхе Вседневный праздник. Cовершается служба, не отмеченная в Типиконе никаким знаком Сщмч. Ианнуария еп. и с ним мчч. Прокула, Соссия и Фавста диаконов, Дисидерия чтеца, Евтихия и Акутиона (ок. 305) Вседневный праздник. Cовершается служба, не отмеченная в Типиконе никаким знаком Мч. Феодора, иже в Пергии, матери его Филиппии, Диоскора, Сократа и Дионисия (ок. 138-161) Богослужебные указания для священно- и церковнослужителей Евангельские и Апостольские чтения На литургии Апостол Деян.10:1 Муж же некий бе в Кесарии, именем Корнилий, сотник от спиры нарицающияся Италийския, Деян.10:2 благоговеин и бояйся Бога со всем домом своим, творяй милостыни многи людем и моляйся Богу всегда: Деян.10:3 виде в видении яве, яко в час девятый дне, Ангела Божия сшедша к нему и рекша ему: Корнилие. Деян.10:4 Он же воззрев нань и пристрашен быв рече: что есть, Господи? Рече же ему: молитвы твоя и милостыни твоя взыдоша на память пред Бога: Деян.10:5 и ныне посли во Июппию мужей и призови Симона, нарицаемаго Петра: Деян.10:6 сей странствует у некоего Симона усмаря, емуже есть дом при мори: той речет тебе глаголы, в нихже спасешися ты и весь дом твой. Деян.10:7 И якоже отиде Ангел глаголяй Корнилию, пригласив два от рабов своих и воина благочестива от служащих ему Деян.10:8 и сказав им вся, посла их во Июппию. Деян.10:9 Воутрие же, путьшествующым им и ко граду приближающымся, взыде Петр на горницу помолитися, о часе шестем. Деян.10:10 Бысть же приалчен и хотяше вкусити: готовящым же онем, нападе нань ужас, Деян.10:11 и виде небо отверсто и сходящ нань сосуд некий, яко плащаницу велию, по четырем краем привязан и низу спущаемь на землю, Деян.10:12 в немже бяху вся четвероногая земли и зверие и гади и птицы небесныя. Деян.10:13 И бысть глас к нему: востав, Петре, заколи и яждь. Деян.10:14 Петр же рече: никакоже, Господи, яко николиже ядох всяко скверно или нечисто. Деян.10:15 И (се) глас паки к нему вторицею: яже Бог очистил есть, ты не скверни. Деян.10:16 Сие же бысть трищи: и паки взяся сосуд на небо. Евангелие Ин.6:56 Ядый Мою Плоть и пияй Мою Кровь во Мне пребывает, и Аз в нем. Ин.6:57 Якоже посла Мя живый Отец, и Аз живу Отца ради: и ядый Мя, и той жив будет Мене ради. Ин.6:58 Сей есть хлеб сшедый с небесе: не якоже ядоша отцы ваши манну и умроша: ядый хлеб сей жив будет во веки. Ин.6:59 Сия рече на сонмищи, учя в Капернауме. Ин.6:60 Мнози убо слышавше от ученик Его, реша: жестоко есть слово сие: (и) кто может Его послушати? Ин.6:61 Ведый же Иисус в Себе, яко ропщут о сем ученицы Его, рече им: сие ли вы блазнит? Ин.6:62 Аще убо узрите Сына Человеческаго восходяща, идеже бе прежде? Ин.6:63 Дух есть, иже оживляет, плоть не пользует ничтоже: глаголголы, яже Аз глаголах вам, дух суть и живот суть: Ин.6:64 но суть от вас нецыи, иже не веруют. Ведяше бо искони Иисус, кии суть неверующии, и кто есть предаяй Его. Ин.6:65 И глаголаше: сего ради рех вам, яко никтоже может приити ко Мне, аще не будет ему дано от Отца Моего. Ин.6:66 От сего мнози от ученик Его идоша вспять и ктому не хождаху с Ним. Ин.6:67 Рече же Иисус обеманадесяте: еда и вы хощете ити? Ин.6:68 Отвеща убо Ему Симон Петр: Господи, к кому идем? Глаголголы живота вечнаго имаши, Ин.6:69 и мы веровахом и познахом, яко Ты еси Христос, Сын Бога живаго.