Порядок чтений: Понедельник, 20 апреля 2026 г. (7 апреля ст.ст.) — 19 апреля 2026 г. в 15:25:17.130
Порядок чтений: Понедельник, 20 апреля 2026 г. (7 апреля ст.ст.) Седмица 2-я по Пасхе Вседневный праздник. Cовершается служба, не отмеченная в Типиконе никаким знаком Прп. Георгия, исп., митр. Митиленского (после 820) Богослужебные указания для священно- и церковнослужителей Евангельские и Апостольские чтения На литургии Апостол Деян.3:19 Покайтеся убо и обратитеся, да очиститеся от грех ваших, Деян.3:20 яко да приидут времена прохладна от лица Господня, и послет пронареченнаго вам Христа Иисуса, Деян.3:21 Егоже подобает небеси убо прияти даже до лет устроения всех, яже глагола Бог усты всех святых Своих пророк от века. Деян.3:22 Моисей убо ко отцем рече: яко Пророка вам воздвигнет Господь Бог ваш от братии вашея, яко мене: Того послушайте по всему, елика аще речет к вам: Деян.3:23 будет же, всяка душа, яже аще не послушает Пророка онаго, потребится от людий. Деян.3:24 И вси же пророцы от Самуила и иже по сих, елицы глаголаша, такожде предвозвестиша дни сия. Деян.3:25 Вы есте сынове пророк и завета, егоже завеща Бог ко отцем вашым, глаголя ко Аврааму: и о семени твоем возблагословятся вся отечествия земная. Деян.3:26 Вам первее Бог, воздвигий Отрока Своего Иисуса, посла Его благословяща вас, во еже отвратитися вам комуждо от злоб ваших. Евангелие Ин.2:1 И в третий день брак бысть в Кане Галилейстей: и бе Мати Иисусова ту. Ин.2:2 Зван же бысть Иисус и ученицы Его на брак. Ин.2:3 И недоставшу вину, глаголгола Мати Иисусова к Нему: вина не имут. Ин.2:4 Глагола Ей Иисус: что (есть) Мне и Тебе, Жено? Не у прииде час Мой. Ин.2:5 Глаголгола Мати Его слугам: еже аще глаголет вам, сотворите. Ин.2:6 Беху же ту водоноси каменни шесть, лежаще по очищению Иудейску, вместящии по двема или трием мерам. Ин.2:7 Глагола им Иисус: наполните водоносы воды. И наполниша их до верха. Ин.2:8 И глагола им: почерпите ныне и принесите архитриклинови. И принесоша. Ин.2:9 Якоже вкуси архитриклин вина бывшаго от воды, и не ведяше, откуду есть: слуги же ведяху почерпшии воду: пригласи жениха архитриклин Ин.2:10 и глагола ему: всяк человек прежде доброе вино полагает, и егда упиются, тогда хуждшее: ты (же) соблюл еси доброе вино доселе. Ин.2:11 Се сотвори начаток знамением Иисус в Кане Галилейстей и яви славу Свою: и вероваша в Него ученицы Его.