Бүгүн, бэс ыйын 21 күнүгэр, Өспөх нэһилиэгэр самаан сайыммыт сатыылаабытын, күөххэ үктэ... — 21 июня 2026 г. в 12:10:53.876
Бүгүн, бэс ыйын 21 күнүгэр, Өспөх нэһилиэгэр самаан сайыммыт сатыылаабытын, күөххэ үктэммиппитин үөрэ-көтө көрүстүбүт, Үрүҥ тунах ыһыахпыт күнүн бэлиэтээтибит! Быйылгы ыһыахпыт көлүөнэлэр сомоҕолоһууларыгар ананан, нэһилиэкпит дьоно көлүөнэлэргэ түмсэн, араас түһүмэхтэринэн тургутуу аастылар, ыллаан-туойан, бэйэлэрин кэмнэрин тыынын көрөөччүлэргэ тиэртилэр. Ону сэргэ өбүгэ оонньууларыгар, оскуола үөрэнээччилэрэ "Алаас оҕолоро"-диэн күрэскэ күөн көрүстүлэр. Ыҥырыыбытын ылынан, ыһыахпытыгар күүс-көмө буоллулар, спонсордаатылар: 1️⃣ Румянцевтар аймах, Румянцев Петр Михайлович сыдьааннара 5000 солкуобай❗ 2️⃣ Өспөх оскуолатын 1981 сыллаах выпускниктара 5000 солкуобай❗ 3️⃣ Горохова Александра Ивановна 1000 солкуобай❗ 4️⃣Эдэр үлэһит биир дойдулаах урбаанньыппыт ИП Павлов Святослав Николаевич 30000 солкуобай❗ 5️⃣ Ил Түмэн депутата, Модун директора, биир дойдулаахпыт Васильев Геннадий Анатольевич- Iron спорт маҕаһыыныттан сертификат❗ Спонсордарбытыгар барҕа махталбытын тиэрдэбит✊ Бары ыһыах кыттыылаахтарыгар, бүгүҥҥү күҥҥэ кыттыспыт бар дьоммутугар махтанабыт уонна барыгытыгар дьолу-соргуну баҕарабыт✊ Ыһыах кэрэ түгэннэриттэн сиһилии көрөргүтүгэр "Сайдам" КСК max- каналыгар үллэстэбит