👍🏼 Баатаҕай нэһилиэгэр Семен Федорович Сивцев аатынан «Түмэн» норуот айымньытын киини... — 29 июня 2026 г. в 13:37:44.564
👍🏼 Баатаҕай нэһилиэгэр Семен Федорович Сивцев аатынан «Түмэн» норуот айымньытын киинин уораҕайыгар быйыл хапытаалынай өрөмүөн оҥоһуллара олохтоохторго күүтүүлээх улахан үөрүү буолар. Бу 1980 сыллаахха тутуута саҕаланан, 1982 сыллаахха үлэҕэ киирбит дьиэни киин үлэһиттэрэ өссө 2022 сылтан үлэлэһэн өрөмүөннэнэрэ оруннааҕын туһунан докумуонунан бигэргэттэрэн, нэһилиэк дьаһалтатын уонна улуус култуураҕа управлениетын, улуус дьаһалтатын өйөбүллэринэн ситимнээхтик үлэлээн “Олохтоох көҕүлээһини өйүүр” (ППМИ) уонна “Култуура” национальнай бырайыак федеральнай программатыгар киирсэн, куонкуруһу ааһан быйыл норуот айымньытын киинэ өрөмүөннэнэрин ситиспиттэрэ. Бүгүн онно бэлэмнэнэн нэһилиэнньэ көхтөөх субуотунньукка тахсан, үлүскэн үлэни үмүрүттэ: 20 эр киһи үлэҕэ турунан, уораҕай иһигэр гипсокартоннары, дьиэ тас бүрүөһүнүн көтүрэн сороҕун сарайга уган, быраҕылларын сыбаалкаҕа таһан харайдылар. Үлэһиттэри дьахтар улуустааҕы сэбиэтин Баатаҕайдааҕы «Далбар» филиалын көҕүлээһининэн нэһилиэк дьахталлара түмсэн сылаас аһынан хааччыйдылар. Сарсын эмиэ субуотунньук салҕанар. ✍🏼Мария Аргунова 📲Мах-каналбытыгар сурут ⬇️https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia