🔹Бүгүн Саха Өрөспүүбүлүкэтин Баһылыга Айсен Николаев үлэ чэрчитинэн Уус Алдан улууһуга... — 21 июля 2026 г. в 05:16:08.303
🔹Бүгүн Саха Өрөспүүбүлүкэтин Баһылыга Айсен Николаев үлэ чэрчитинэн Уус Алдан улууһугар кэллэ. Кини бастакынан Бороҕон сэлиэнньэтин Колхознай уулуссатын 12 №-гэр тутулла турар элбэх кыбартыыралаах таас дьиэҕэ тиийдэ, онно улуус тутууга уонна архитектураҕа управлениетын салайааччыта Максим Гуляев үлэ хаамыытын отчуоттаата. Санаттахха, бу дьиэ бастакы сыбаайата бу дьыл муус устар ый 18 күнүгэр түспүтэ, кылгас кэм иһигэр дьиэни балысханнык өрө күөрэтэн таһаардылар. Ол кэннэ «Майаҕатта Бэрт Хара» стадиоҥҥа тиийэн тыа хаһаайыстыбатын анал техникаларын күлүүстэрин үөрүүлээх-быһыыга майгыга туттарыы буолла. Манна 10 «Беларус» тыраахтар, 6 «УАЗ»-фермер күлүүстэрин тыа хаһаайыстыбатынан дьарыктанар фермердэргэ, урбаанньыттарга биэрдилэр. Үөрүүлээх чаас кэннэ тутуллан бүтэн эрэр «Запад-2» хочуолунайга тиийэ сырытта, бу хочуолунай улуус киинигэр Бороҕоҥҥо түөрт эргэ хочуолунайы солбуйуохтаах, 2026-2027 оттук дьылын баттаһа бүтүөҕэ диэн отчуоттаатылар. Хочуолунайга сырыы кэнниттэн Ил Дархан элбэх оҕолоох, үс улахан уоллара анал байыаннай дьайыы кыттыылаахтара, улаханнара сэрии хонуутугар тыынын толук уурбут Окоемовтар дьиэ кэргэҥҥэ ыалдьыттаата. Ыаллар остуол тардан көрүстүлэр, Айсен Сергеевичтыын чэйдээтилэр. Окоемовтар Бороҕон илин өттүгэр үс сылы быһа эрэнэ күүппүт ититиилэрэ киирэригэр баҕа санааларын эттилэр. Бүтэһигин Айсен Сергеевич улуус дьаһалтатыгар кэлэн «Мүрү саһарҕата» хаһыат сүрүн эрэдээктэригэр Наталья Поповаҕа анал интервью биэрдэ. Салгыы кэлэр 2026-2027 оттук дьылын туһунан мунньахтаатылар. ✍🏼Анатолий Кириллин 📲Мах-каналбытыгар сурут ⬇️https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU🌐 мюрюгазета.рф ✅ @uamurusahargata @ulusmedia