Балаҕан ыйын 4 күнүгэр Дүпсүҥҥэ биир дойдулаахпыт, биллиилээх скульптор, журналист, сур...
Балаҕан ыйын 4 күнүгэр Дүпсүҥҥэ биир дойдулаахпыт, биллиилээх скульптор, журналист, суруйааччы, норуот талба талааннааҕа, СР народнай художнига, СР искусствотын үтүөлээх деятелэ Василий Васильевич Бочкарев сырдык аатын үйэтитиигэ музей буолан турар олорбут дьиэтигэр мемориальнай дуоска арылынна, тыыннаах сибэкки дьөрбөтө уурулунна. Сайыҥҥылыы сылаас күн тэлгэһэ ыалдьыттарынан, аҕа саастаах дьонунан, оскуола оҕолорунан туолла. Орто оскуола учууталларын толорууларыгар Василий Васильевич суруйбут хоһооннорунан монтаж ааҕылынна. Тэрээһиҥҥэ Дүпсүн нэһилиэгин тыа сирин түөлбэтин олохтоох дьаһалтатын солбуйар баһылыга А.А. Прибылых, нэһилиэк ветераннара, оскуола үлэһиттэрэ, улуус культуратын управлениетын начальнига Э.М. Киренская, С.С. Васильев-Борогонскай аатынан улуустааҕы киин библиотекаттан О. Н. Павлова о.д.а кыттыыны ыллылар. Василий Васильевич туһунан истиҥ, иһирэх ахтыылар оҥоһулуннулар, үйэтитии үлэтэ инникитин хайдах барыахтааҕар баҕа санаалар этилиннилэр. Тэрээһин Василий Васильевич бииргэ төрөөбүтэ, СР норуотун хаһаайыстыбатын үтүөлээх үлэһитэ, улуус бочуоттаах олохтооҕо И.В. Бочкарев быһаччы көҕүлээһининэн, салалтатынан, нэһилиэк сынньалаҥ киинин үлэһиттэрин тэрийиитинэн ыытылынна итиэннэ «Аҕам алааһа» ырыанан, өйдөбүнньүк хаартыскаҕа түһүүнэн түмүктэннэ. https://uacbs.ru/дүпсүҥҥэ-в-в-бочкарев-аатынан-мемориа/ 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia