Ытык-мааны күндү дьоммут, Аҕам саастаах дьоммут, бэтэрээннэрбит!
Ытык-мааны күндү дьоммут, Аҕам саастаах дьоммут, бэтэрээннэрбит! Уус Алдан улууһун культураҕа управлениетын, улуус бары культура үлэһиттэрин ааттарыттан көмүс саастаах ытык-мааны дьоммутун Аан дойдутааҕы Аҕам саастаахтар күннэринэн итиитик-истиҥник эҕэрдэлиибит! Үлэҕэ-хамнаска баай уопуккут, олоххо-дьаһахха муудараскыт, үтүө-мааны сүбэҕит - үүнэр эдэр көлүөнэҕэ үтүө холобур буоларын билинэбит уонна истиӊник махтанабыт. Быйыл өрөспүүбүлүкэбитигэр Культура, улууспутугар Түмсүү уонна бииргэ үлэлээһин сылларынан биллэриллибитэ. Култуура сылынан улуустааҕы кыраайы уонна историяны үөрэтэр түмэл “Культура бэтэрээнэ кэпсиир” рубриканы үлэлэтэн, улууспут культуратын сайдыытыгар сүҥкэн кылааттарын киллэрбит үтүө-мааны дьоммут кэпсээҥҥит үйэтитиллэн, кэлэр көлүөнэ культура үлэһиттэригэр үлэҕэ бэриниилээх буолууну, тапталы иҥэриэ диэн эрэнэбит. Төрөөбүт улууспут духуобунай сайдыытыгар уонна култуурунай олоҕор киллэрбит дьоһуннаах кылааккытын үрдүктүк сыаналыыбыт уонна күн бүгүн биһигини кытта тэҥҥэ үлэлии-хамсыы, айа-тута, сүбэлии-амалыы сылдьаргытыттан үөрэбит уонна Эһиэхэ сүгүрүйэбит! Күндү Аҕам саастаах ытык-мааны дьоммутугар, эһиэхэ барыгытыгар чэгиэн-чэбдик доруобуйаны, өссө да өр сылларга биһигини үөрдэ-көтүтэ, сүбэ-ама буола, этэӊӊэ сылдьаргытыгар баҕарабыт! Кырдьыы кыттыспатын, ыарыы ыалласпатын, чугас дьоҥҥут тапталларыгар бигэнэн уһун үйэлэниҥ! Бары үтүө баҕа санаалары кытта Эльза Киренская.