Бүгүн, алтынньы 13 күнүгэр, улуус культураҕа управлениетын начальнига Э.М.Киренская кыт...
Бүгүн, алтынньы 13 күнүгэр, улуус культураҕа управлениетын начальнига Э.М.Киренская кыттыылаах улуустааҕы “Хомус” общественнай түмсүү Сүбэ мунньаҕа ыытылынна. Мунньахха кыттыыны ыллылар: - “Хомус” түмсүү салайааччыта, Тандатааҕы норуот айымньытын дьиэтин директора Альберт Находкин, - улуустааҕы киин библиотека директора Лена Павлова, - улуустааҕы түмэл методиһа Маргарита Иванова, - П.П.Оготоев аатынан Кэптэнитээҕи сынньалаҥ киин уус-уран салайааччыта Варвара Федорова, - Олоҥхо дьиэтин салайааччыта Айаал Аргунов, уус-уран салайааччы Елизавета Данилова. Мунньахха сүрүн боппуруоһунан быйылгы сылга Хомус күнүгэр анаммыт тэрээһиннэри ыытыы былаана дьүүллэһилиннэ. Хомуска анаммыт сүрүн тэрээһиннэр биир дойдулаахпыт, Аан дойду виртуоз хомусчута, Арассыыйа үтүөлээх артыыһа П.П. Оготоев быйыл төрөөбүтэ 65 сылыгар ананыахтара. Ол курдук, кини аатынан оҕолор ортолоругар биирдиилээн уонна бөлөҕүнэн толорууга “Хомуһуннаах хомусчут” улуустааҕы, Хомус аан дойдутааҕы түмэлин кытта ыччаттар ортолоругар биирдиилээн толорооччуларга “Хомус Уолан” республиканскай күөн-күрэстэри тэрийии, Бүөтүр Оҕотоойоп туһунан “Саха” национальнай көрдөрөр-иһитиннэрэр хампаанньа телевидениетынан уонна араадьыйатынан тахсыы, хомуска анаммыт быыстапкалары, онлайн научнай-практическай кэмпириэнсийэ тэрийии, маастар-кылаастары тэрийии курдук дьаһаллары тэрийэргэ сүбэлэстибит. Салгыы Альберт Алексеевичтыын улуустааҕы үөрэх управлениетын солбуйар начальниктара И.И.Никоновы, М.П. Пуховы кытта көрсөн бу дьаһаллар тула сүбэлэстибит. Уопсай сүбэ түмүгүнэн бу ый 16 күнүгэр дылы тэрилтэлэр ыытар үлэлэрин былааннара түмүллэн, уопсай былаан улуус баһылыгын дьаһалынан бигэргэнэн үлэ-хамнас ыытыллыаҕа. Анна Лугинова, улуустааҕы культура управлениетын кылаабынай специалиһа, “Хомус” общественнай түмсүү чилиэнэ. Алтынньы 13 күнэ, 2026 сыл.