Бүгүн, алтынньы ый 14 күнүгэр Саха Өрөспүүбүлүкэтин норуотун маастара, II Лөгөй нэһилиэ...
Бүгүн, алтынньы ый 14 күнүгэр Саха Өрөспүүбүлүкэтин норуотун маастара, II Лөгөй нэһилиэгин бочуоттаах олохтооҕо, библиотека бэтэрээнэ Пелагея Степановна Максимова төрөөбүтэ 100 сылынан "Ийэ сылаас илиитин иэйиитэ” тэрээһини төрөппүт оҕолоро, Уус Алдан улууһун культураҕа управленията, “Олоҥхо Дьиэтэ” ЭКК, Кииннэммит библиотека ситимэ, улуустааҕы кыраайы үөрэтэр түмэл сүрүннээн ыыттыбыт. “Олоҥхо Дьиэтэ” этнокультурнай кииҥҥэ Пелагея Степановна айар быыстапката, кини аатынан «Иис-күүс алыба» суумка арааһын тигиигэ аһаҕас республиканскай көрүү-күрэх ыытылыннылар. Барыта 44 тарбаҕар талааннаах маастардар кыттыыны ыллылар. Бу көрүү-күрэх кыайыылаахтарынан буоллулар: Чыпчаал аат – Константинова Светлана Иннокентьевна – Уус-Алдан улууһа, Найахы Үгэс буолбут ньыманан тигиллибит суумка 1 үрдэл – Босикова Александра Гаврильевна, Уус-Алдан улууһа, Дүпсүн 2 үрдэл – Рожина Айталина Гаврильевна, Дьокуускай к. 3 үрдэл - Сивцева Варвара Николаевна, Уус-Алдан улууһа, Найахы Аныгылыы тигиллибит суумка 1 үрдэл – Петухова Лилия Федотовна, Уус-Алдан улууһа, Сыырдаах 2 үрдэл – Местникова Мавра Петровна, Уус-Алдан улууһа, Арыылаах 3 үрдэл – Гаврильева Оксана Павловна, Дьокуускай Эбиэттэн киэһэ «Күндү чугас дьоммут – ийэлээх аҕабыт!» Аҕа дойду улуу сэриитин бэтэрээнэ Гаврил Нестерович уонна СӨ норуотун маастара Пелагея Степановна Максимовтар үлэлээн, олорон ааспыт олохторун кэпсиир оҕолоро муһан таһаарбыт кинигэлэрин сүрэхтэниитэ буолла. Ийэ, аҕа, дьиэ-кэргэн күннэрин көрсө баай ис хоһоонноох тэрээһин ыытылынна.