Алтынньы 21 күнүгэр улуус култууратын бэтэрээннэрэ Курбуһахха интернат дьиэ олохтоохтор...
Алтынньы 21 күнүгэр улуус култууратын бэтэрээннэрэ Курбуһахха интернат дьиэ олохтоохторугар ыалдьыттаан кэллибит. Быйылгы сылга үбүлүөйдээх биир дойдулаахтарбыт - СӨ култууратын үтүөлээх үлэһитэ, суруналыыс Дмитрий Ильич Пухов 95, СӨ физическэй култуура5а уонна спортка үтүөлээх үлэһитэ Андрей Андреевич Протопопов 90 сылларынан, кинилэр олорбут олохторун, үлэлэрин туһунан бэсиэдэни оңордо киин библиотека библиотекара Мария Иванова. Марфа Алексеева кылыһахтаах тойугун, Екатерина Местникова хоһоонун аахпытын, Александра Портнягина, Валентина Варламова, Анна Лугинова, Константин Иванов ылба5ай ырыаларын, Иннокентий Готовцев аккордеоңңа вариацияларын дохсун ытыс тыаһынан көрүстүлэр. Аграфена Сидорова таабырын таайтаран, оонньуулары ыытан көрөөччүлэрбит сэмэй бэлэхтэри тутан үөрдүлэр-көттүлэр. Биир дойдулаахтарбыт, быйыл 80 сааһын туолбут СӨ култууратын үтүөлээх үлэһитэ Анатолий Старостин - Сиэн Кынат хоһоонун аахтыбыт, төрөөбүтэ 75 сылынан Виталий Андросов ырыаларын күргүөмүнэн ыллааммыт бүгүңңү көрсүһүүбүтүн түмүктээтибит. Олохтоохтор “кэлэн сэргэхситэн барбыккытыгар махтал, өссө да кэлээриң” дии хааллылар. Култуура бэтэрээннэрэ бу сырыыбытын өйөөн массыынанан, бензининэн көмөлөспүт улуустаа5ы нэһилиэнньэ5э социальнай көмүскэлгэ биир кэлим киин солбуйааччы салайааччытыгар Елена Егоровна Кривошапкина5а, культура управлениетын начальнигар Эльза Михайловна Киренская5а махталбытын тиэрдэбит. Анна Лугинова, “Уус Алдан култууратын бэтэрээннэрин Сэбиэтэ” түмсүү салайааччыта.