🏛️«ӨБҮГЭМ ӨТӨҔӨ» —КЭЛЭР кэнчээри ыччакка үтүө өйдөбүлү хаалларыа.
🏛️«ӨБҮГЭМ ӨТӨҔӨ» —КЭЛЭР кэнчээри ыччакка үтүө өйдөбүлү хаалларыа. Алтынньы ый 27 күнүгэр Уус-Алдан улууһун Сэһэн Ардьакыап аатынан музейыгар «Өбүгэм өтөҕө» диэн хаартысканан быыстапка буолан ааста. ⚜️Көрдөрүүгэ Уус-Алдан улууһун хас да нэһилиэгиттэн «Элгис сүбэ» түмсүү хомуйбут өбүгэлэр өтөхтөрүн хаартыскалара, ахтыылара уонна кэпсээннэрэ турдулар. Бу быыстапка өбүгэлэрбит олохторун-дьаһахтарын, үгэстэрин, олорон ааспыт сирдэрин ааттарын кэлэр көлүөнэҕэ тиэрдэр, үйэтитэр сыаллаах тэриллиннэ. ⚜️Тэрээһин «Элгис сүбэ» түмсүү көҕүлээһининэн ыытылынна. Түмсүү салайааччыта — Александра Черкашина. ⚜️Кэлбит ыалдьыттары алаадьынан уонна араас оттон оҥоһуллубут утахтарынан айах туттулар. Быыстапка Иван Прибылых эҕэрдэ ырыатыттан саҕаланна. ⚜️«Өбүгэм өтөҕө» диэн теманан ыытыллыбыт кэпсэтиигэ Елизавета Сивцева, Марина Копырина, Геннадий Пестряков, Иван Тордуянов, Василий Аргунов, Павел Аммосов, Роза Колодезникова уонна Бэйдиҥэ орто оскуолатын 10 кылааһын үөрэнээччилэрэ Валентин Саввинов, Анна Попова кыттыыны ыллылар. Кыттааччылар өбүгэлэрин туһунан ахтыыларын, төрүттэрин историяларын сырдаттылар. ⚜️Тэрээһин чэрчитинэн «Өбүгэм өтөҕө» диэн хоһоон күрэҕэ эмиэ ыытылынна. Күрэххэ барыта 23 үлэ киирдэ, олортон 6 үлэ автордара наҕараадаланнылар. ⚜️Кыттыбыт бары дьоҥҥо, хоһоон күрэҕин кыттааччыларыгар уонна тэрээһини тэрийиигэ көхтөөхтүк кыттыбыт «Элгис сүбэ» түмсүүгэ истиҥ махталбытын тиэрдэбит!