Өлтөх нэһилиэгин бочуоттаах олохтооҕо, кыраайы үөрэтээччи, суруналыыс, РФ Суруналыыстар... — 3 июля 2026 г. в 05:04:16.353
Өлтөх нэһилиэгин бочуоттаах олохтооҕо, кыраайы үөрэтээччи, суруналыыс, РФ Суруналыыстарын уонна СӨ Суруйааччыларын сойуустарын чилиэнэ, Уус Алдан улууһун социальнай - экономическай сайыдыытыгар кылаатын иһин бэлиэ хаһаайына Охлопков Иван Афанасьевич - Туймалыырап олохтон туораата. Иван Афанасьевич 1932 сыллаахха тохсунньу 30 күнүгэр Уус Алдан улууһун I Өлтөх нэһилиэгэр төрөөбүтэ. Мүрү орто оскуолатын бүтэрэн, Сэбиэскэй Аармыйаҕа сулууспалаан баран, холкуоска, «Ленинскэй тэрийээччи» хаһыакка, лесхозка, сибээс узелын Бэйдиҥэтээҕи салаатыгар үтүө суобастаахтык үлэлээбитэ. Кини олоҥхонон умсугуйан, олоҥхо суруйарга холонон, «Өрөгөйдөөх Өркөн Бэргэн», «Дуолан Дьаҕыл» диэн олоҥхолорго тойуктардаах. 11 остуоруйа, 52 кэпсээн, 74 хоһоон, 56 фельетон ааптара. Ону таһынан былыргы номохтору хомуйуунан утумнаахтык дьарыктаммыта. Иван Афанасьевич бу дьыл от ыйын 2 күнүгэр 94 сааһыгар уһун, ыарахан ыарыыттан олохтон туораабытынан, Уус Алдан улууһун дьаһалтатын аатыттан дьиэ кэргэнигэр, аймах-билэ дьонугар, доҕотторугар дириҥ кутурҕаммытын тиэрдэбит.