Жаҳонгир Ортиқхўжаев хориждаги 10 минг ўзбекистонликни қайтариш ва иш билан таъминлашни... — 20 августа 2026 г. в 05:39:43.719
Жаҳонгир Ортиқхўжаев хориждаги 10 минг ўзбекистонликни қайтариш ва иш билан таъминлашни таклиф қилди «Охирги кунларда Татаристонда содир бўлган фожиа сизни қанчалик ташвишга солгани кўриниб турибди. Буни ҳаммамиз ҳис қиляпмиз. Биз, тадбиркорлар, ёнингизда бўлишни ва сизни қўллаб-қувватлашни ўзимизнинг бурчимиз деб биламиз… AKFA Holding компанияси хориждаги 10 минг нафар ватандошимизни иш билан таъминлашга тайёр», — деди Ортиқхўжаев президентнинг тадбиркорлар билан учрашувида. Унинг сўзларига кўра, компания Россиядан қайтмоқчи бўлганлар учун алоҳида колл-марказ ташкил этишга тайёр. Ортиқхўжаев бу ташаббусга бошқа бизнес вакилларини ҳам жалб этишни таклиф қилди. Унинг сўзларига кўра, мамлакатда 600 мингга яқин тадбиркор бор. «Ўйлайманки, агар улар ҳам ташаббус кўрсатиб, ҳар бири камида иккитадан ватандошимизни ишга олса, бир миллиондан ортиқ одам иш билан таъминланиши мумкин», — деди у.