Ааҕар дьиэҕэ – доруобуйа аартыга. — 14 июля 2026 г. в 06:55:20.745
Ааҕар дьиэҕэ – доруобуйа аартыга. Бүгүн Үөһээ Бүлүүгэ доруобуйа күнэ. Бу күн чэрчитинэн О.Д.Федорова аатынан киин модельнай библиотекаҕа сэргэх санаалаах, үтүө сүрэхтээх «Сэргэх» түмсүү эбээлэрэ, Далбар Хотуттар олус туһалаах көрсүһүүгэ сырыттылар. Ол курдук, СӨ үөрэҕириитин туйгуна Вера Афанасьевна Андреева сүһүөх дьарҕаларын чэпчэтэр сэрээккэни оҥоттордо, маны тэҥэ РФ уонна СӨ доруобуйатын харыстабылын туйгуна, үлэ бэтэрээнэ Марианна Варламовна Каташева улууспут киэҥ сыһыытыгар үүнэр туһалаах оттон-мастан оҥоһуллубут чэй арааһыттан күндүлээтэ. Онтон библиотека үлэһиттэрэ олох суолун уһатар, доруобуйаны бөҕөргөтөр, үөрүүнү үксэтэр дьоһун быыстапканы туруорда. Бүгүҥҥү көрсүһүүгэ кэлбит түмсүү кыттыылаахтара эмтээх оттор күүстэрин туһунан дириҥ билиини ыллылар. Ону таһынан, доруобуйаларыгар олус туһалаах сүһүөх сэрээккэтин оҥорон чэпчээн, чэбдигирэн тарҕастылар.