А. Т. Титаров бирииһигэр оһуохай күннэрэ
А. Т. Титаров бирииһигэр оһуохай күннэрэ А. Т.Титаров Бүлүү бөлөх улуустарыгар дьоһуннаах түһүлгэлээх, киэҥник кэрэхсэммит улахан оһуохайдьыт быһыытынан биллэр этэ. А. Т. Титаров сырдык аатын үйэтитэр сыалтан 1986, 1994, 2000 сылларга оһуохай биэчэрдэрэ, күннэрэ ыытыллыбыттара. 2000 сыл сэтинньи ый 18 күнүгэр үлэ, сэрии ветерана, тойуксут, оһуохайдьыт, олоҥхоһут, эмчит А. Т. Титаров бирииһигэр түөрт Бүлүү улууһун оһуохайдьыттара кыттыылаах оһуохай күрэҕэ Үөһээ Бүлүүгэ “Куорамыкы” культура киинигэр ыытыллыбыта. Үҥкүү күрэҕэр Бүлүүттэн, Сунтаартан, Үөһээ Бүлүүттэн барыта 42 оһуохайдьыт кыттыыны ылбыта. Икки күннээх оһуохай күрэҕин түмүгүнэн “Аан Дархан” этээччи бирииһи, А. Т. Титаров сиэнэ Айсен Сергеевич Николаев туруорбут 15 (уон биэс) тыһыынча суумалаах бирииһи, Далыр нэһилиэгиттэн үҥкүүһүт Захар Егоров ылбыта. Бастакы миэстэлэри Хороттон Иванова Ирина Никоновна уонна Бүлүүттэн Иванов Семен Иннокентьевич, иккис бириистээх миэстэлэри Үөһээ Бүлүүттэн Семенова Валентина Владимировна уонна Сунтаартан Евсеев Михаил Михайлович-Кураһаай, үһүс миэстэлэри Мойтохонова Айталина Михайловна, Корякин Николай Павлович (иккиэн Үөһээ Бүлүүлэр) уонна Сунтаартан Соколов Кулагин Дмитриевич ылбыттара. ⤵️⤵️⤵️ https://vvlibr.ru/video/19506/