Биһиги күүспүт - доруобуйабыт!

Биһиги күүспүт - доруобуйабыт! Үөһээ Бүлүү улууһугар нэдиэлэ аайы ыытыллар "Оптуорунньук – Доруобуйа күнэ" бу күн эмиэ киэҥ далааһыннаахтык ааста. Бүгүҥҥү күҥҥэ улуус үрдүнэн доруобуйаҕа аналлаах 75 араас тэрээһин тэрилиннэ. Бу тэрээһиннэргэ уопсайа 2212 киһи көхтөөхтүк кыттыыны ылан, бэйэлэрин доруобуйаларыгар болҕомтону уурдулар. "Оптуорунньук – Доруобуйа күнэ" диэн ааттаах бырайыак нэһилиэнньэ доруобуйатын бөҕөргөтүүгэ, чөл олоҕу тарҕатыыга улахан суолталаах. Хас нэдиэлэ аайы ыытыллар араас спорт күрэхтэһиилэрэ, сүүрүүлэр, хаамыылар, лекциялар уонна да атын доруобуйаны тупсарар дьарыктар олохтоохторго улахан интэриэһи үөскэтэллэр.