Бүгүн, Балаҕан ыйын 16 күнүгэр, Исидор Бараахап аатынан №1 орто оскуолаҕа "Күһүн Бэлэҕэ...
Бүгүн, Балаҕан ыйын 16 күнүгэр, Исидор Бараахап аатынан №1 орто оскуолаҕа "Күһүн Бэлэҕэ" диэн ааттаах атыы-эргиэн дьаарбаҥката үрдүк таһымнаахтык буолан ааста. Дьаарбаҥкаҕа оскуола бары үөрэнээччилэрэ, 1-11 кылааска тиийэ, кыттыыны ыллылар. Хас биирдии кылаас бэйэтин остуолун кэрэтик киэргэтэн, араас күһүҥҥү бэлэхтэри, сир астарын, дьиэ оҥоһуктарын тэлгэтэн атыылаатылар. Бу тэрээһин оҕолорго предпринимательскэй дьоҕуру иҥэрэргэ, хамаанданан үлэлииргэ үөрэтэргэ улахан суолталаах буолла. Ону тэҥэ, алын кылаас үөрэнээччилэригэр айылҕа материалыттан оҥоһуллубут араас поделкалар быыстапкалара тэрилиннэ. Кырачааннар фантазиялара муҥура суоҕун көрдөрөн, дьоҥҥо-сэргэҕэ кэрэхсэбили бэлэхтээтилэр. Улахан кылаастарга Панно быыстапката ыытыллан, үөрэнээччилэр уус-уран дьоҕурдарын толору арыйдылар. Дьаарбаҥканы кытары тэҥҥэ "Таланты осени" диэн талааннар күрэхтэрэ буолла. Манна барыта 16 араас нүөмэрдэри көрдүбүт. Бастакы кылаастан саҕалаан 11 кылааска тиийэ үөрэнээччилэр гитара доҕуһуоллаах ырыалары, чабырҕаҕы, фокустары, восточнай единоборство трюктарын көрдөрөн, хоһоон-ырыа, үҥкүү эгэлгэтин көрдөрөн кэлбит дьону астыннардылар. Тэрээһин сыала-соруга ситиһилиннэ: • Оҕолор айар дьоҕурдарын сайыннарыы. • Хамаанданан үлэлииргэ үөрэтии. • Күһүҥҥү айылҕа баайын, бэлэҕин сыаналыырга үөрэтии. • Оскуола уонна төрөппүттэр ыккардыларыгар сибээһи күүһүрдүү. • Үөрэнээччилэр талааннарын арыйыы. Тэрээһин үрдүк таһымнаахтык ааста, кэлбит дьон бары астынан, үөрэн-көтөн тарҕастылар. Оскуола коллектива, үөрэнээччилэр уонна төрөппүттэр бииргэ үлэлээн, бу дьоро күнү умнуллубат гына ыыттылар.