“Дойдум – тирэҕим” аахсыйаҕа дьон-сэргэ көхтөөхтүк кытынна
“Дойдум – тирэҕим” аахсыйаҕа дьон-сэргэ көхтөөхтүк кытынна 🪖 Майаҕа Д.Ф.Ходулов аатынан култуура киинигэр алтынньы 20 күнүгэр анал байыаннай дьайыыга сылдьар биир дойдулаахтарбытыгар көмөҕө аналлаах “Дойдум – тирэҕим” аахсыйа кэнсиэр буолла. Бу киэһэ бары биир сомоҕо күүс буолан уһуйаан, оскуола оҕотуттан саҕалаан, ыччаттан аҕам саастаах дьонугар тиийэ бөлөхтөрүнэн ыллаан-үҥкүүлээн дьоро киэһэни бэлэхтээтилэр. 🤝 Аахсыйаҕа барыта сүүрбэ үс тэрилтэ кыттан биирдии күннээх хамнастарын уктулар. Ону сэргэ, Парасковья Алиева салайааччылаах “Кэскил”, Марианна Афанасьева салайааччылаах “Лесопуун” түөлбэлэр, Екатерина Мосоркина салайааччылаах “Алгыс”, Людмила Неустроева салайааччылаах “Оһуохай” түмсүүлэр итиэннэ биирдиилээн дьон көхтөөхтүк кыттан, Кыайыы кэлэрин туһугар кылааттарын киллэрдилэр. Аахсыйаҕа кыттыбыт хас биирдии киһи көмөтө анал байыаннай дьайыыга сылдьар байыастарга тугунан да кэмнэммэт өйөбүл, тирэх буолар. ❤️ Ааҕар-суоттуур хамыыһыйа иһитиннэриитинэн улахан сууманы биэрбит аҕыйах тэрилтэни ааттыыр буоллахха, улуустааҕы киин балыыһа кэлэктиибэ 150000 солк. харчынан, реанимация, гинегология, хирургия отделениелара хоруопкалаах эмтэри, “Кэнчээри” уһуйаан үлэһиттэрэ 176000, И.Г.Тимофеев аатынан лиссиэй 171000, М.К.Попова аатынан ускуустуба оскуолата 135190 солкуобайы, үөрэтэр-оҥорон таһаарар тэрилтэ кэлэктиибэ 115200, Д.Ф.Ходулов аатынан култуура киинин үлэһиттэрэ 113200,27 солк., “Сардаана” уһуйаан үлэһиттэрэ 76000, улуус баайын-дуолун уонна сирин-уотун салайар тэрилтэ 68700, анал байыаннай дьайыы кыттыылаахтарын дьиэ кэргэннэрин “Харыстаана” түмсүүтэ 35500 солкуобайы туттарбыттар. 🙌🏼 Бу киэһэ аахсыйа кэнсиэргэ барыта 2208314,45 солкуобай харчы киирдэ. Сиһилии уонна элбэх хаартысканы БУ СИГЭНЭН киирэн билсиҥ ⬅️ Аахсыйа хаамыытын устуу Рутуб ханаалга СИГЭТЭ ⬅️ @gazetaerkeii @ulusmedia