📚 "Яшел Үзән" журналистлары "Тере тел - сүздән башлана" проекты кысаларында Осиново би... — 23 июня 2026 г. в 14:31:56.532
📚 "Яшел Үзән" журналистлары "Тере тел - сүздән башлана" проекты кысаларында Осиново бистәсенең С.К.Гыйматдинов исемендәге гимназиясендә булды ☝️ Әлеге проект социаль программаларны үстерү фонды кысаларында гамәлгә ашырыла һәм аның төп максаты – онытыла барган милли йолаларыбызны, гореф-гадәтләребезне искә төшерү, татар теленә мәхәббәт уяту, рухи бәйләнешләрне ныгыту. 😍 Гимназия укучылары безгә бик кызыклы мастер-класс күрсәтте, алар үз куллары белән рәхәтләнеп калфак ясый. 🤩 Калфак – татар хатын-кызларының милли баш киеме, аларның матурлыгы, рухи чисталыгы һәм милли мәдәният символы. Аны еш кына бәрхеттән тегеп, алтын яки көмеш җепләр, энҗе-мәрҗән, сәйлән, пайеткалар белән чигеп бизәгәннәр. Калфакның бизәлеше, затлылыгы хатын-кызның катламын, нәселен күрсәткән. Элек кызлар аны бәйрәмнәргә, кунакка барганда кигән. XIX йөздән алып, аның формасы зур конус сыманнан алып кечерәк, декоратив баш киеменә кадәр үзгәргән, еш кына аны өстән яулык яки шәл белән каплаганнар. 💚 Бүгенге көндә калфак милли бәйрәмнәрдә, сәхнә костюмы яки хәтер әйбере буларак кулланыла һәм ул көннән-көн популярлаша бара һәм калфак кигән хатын-кызны еш очратырга мөмкин. 👏 Осиново гимназиясе кызларына һәм җитәкчеләре Кадрия Галимҗановнага афәрин һәм зур рәхмәтебезне җиткерәбез. #мастеркласс