☝️☀️🌻 Август аена сынамышлар — 5 августа 2026 г. в 10:00:06.167
☝️☀️🌻 Август аена сынамышлар Халык телендә август йомгаклау ае булып саналган: игеннәр өлгерә, соңгы үләннәр чәчәк ата, кошлар тупламга җыела. «Августта нәрсә җыйсаң, кышын шуның белән тук булырсың», – дигәннәр. Моннан тыш, хайваннарның үзләрен тотышы, һава торышы, җилләрнең юнәлеше һәм хәтта пәрәвез ятуы буенча көз һәм кышның нинди булачагын алдан фаразларга тырышканнар: ⛈ Августта яшенле яңгыр – озын һәм дымлы көзгә. Җәйнең соңгы ае яшьнәп-гөлдерәп торса, җылы һава озакка сузылмаячак, көз суык булачак. 🕸Чирәмдәге пәрәвез – аяз, коры көзгә. Август башында яки уртасында куакларда һәм үләннәрдә иртән нечкә пәрәвез күренсә, озын, җылы һәм җилсез әбиләр чуагын көткәннәр. 🐜Кырмыскалар ояларын биек төзесә – кыш кырыс булачак. Кырмыска өемнәре никадәр биегрәк һәм тыгызрак булса, салкыннар да шулкадәр катырак көтелә. Бөҗәкләр кышны алдан белә, дигәннәр. 💦Яңгыр иртән үк башланса, тиздән бетәчәк. Аны: «Таң атканда чылатса, төшкә таба киптерә», дигәннәр. 🌦Яңгырдан соң салават күпере – һава торышы яхшыруга. 🌊 Елга-күлләрдә су тиз суынса – кинәт салкынайта. Шамбы балыгының (налим) үзен тотышыннан фикер йөрткәннәр: әгәр ул җанлана икән, димәк, су суынган, җәй китә. 🌗 Август азагында төннәр салкын, ләкин кырау булмаса, көз озын һәм йомшак булачак. Ә менә 23 августтан соңгы кырау – иртә һәм озакка сузылган кыш турында хәбәр. 🕊Каргалар кичен ояларында кычкырса – иртә салкынаюга. Тавышлары көчәя һәм кошлар тынычсызлана икән, бу һава торышының үзгәрүе турында сөйли. 🍂Каен ай уртасында ук саргая башласа – көз вакытында килә. Әгәр август ахырына кадәр яшел булса – әбиләр чуагы җылы һәм озын булачак. 💧Иртән салкын чык төшү — җәй бетүгә. Бигрәк тә чык озак кипмәсә.