НАЧАР ХИСЛӘРЕБЕЗДӘН ҺӘМ СЫЙФАТЛАРЫБЫЗДАН КОТЫЛУ ӨЧЕН ДОГА 🕌
НАЧАР ХИСЛӘРЕБЕЗДӘН ҺӘМ СЫЙФАТЛАРЫБЫЗДАН КОТЫЛУ ӨЧЕН ДОГА 🕌 Пәйгамбәребез Мөхәммәд ﷺ (съаллә-Ллааһу гъәләйһи үә сәлләм) Аллаһтан нәфесебезгә хас өч төрле бәладән яклавын сораган. 🙏 БОРЧУЛАРдан һәм КАЙГЫЛАРдан ... اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ Әллааһүммә инний әгъүүҙү бикә минә-л-һәмми үә-л-хәзәни... «Аллаһым, борчулардан һәм кайгылардан Сиңа (рәхмәтеңә) сыенам...» Борчылу (همّ) – киләчәк өчен курку һәм кайгыру. Кайгы (حزن) – кайтарып та, төзәтеп тә булмаган үткән вакыйгалар өчен хәсрәтләнү. Ә безнең бөтен чынбарлык «хәзер» дигән мизгелдән тора. Нәкъ менә хәзергесен кайгырту Аллаһның ризалыгына һәм киләчәктә җан тынычлыгына илтә. Пәйгамбәребез ﷺ безне сабырлыкка өйрәтү белән генә чикләнми, кысыр хисләрдән – киләчәк өчен борчылудан һәм үткәннәр өчен хәсрәтләнүдән – саклау сорау үрнәге дә күрсәтә. 🙏 КӨЧСЕЗЛЕКтән һәм ЯЛКАУЛЫКтан ...وَ أَعُوذُ بِكَ مِنَ الْعَجْزِ وَ الْكَسَلِ… ...үә әгъүүҙү бикә минә-л-гъәҗези үә-л-кәсәли... «…һәм көчсезлек белән ялкаулыктан Сиңа сыенам...». 🙏 КУРКАКЛЫКтан һәм САРАНЛЫКтан وَ أَعُوذُ بِكَ مِنَ الْجُبْنِ وَ الْبُخْلِ… ...үә әгъүүҙү бикә минә-л-җүбени үә-л-бүхъли. «...һәм куркаклык белән саранлыктан Сиңа сыенам» Имам Әл-Бохари, №6369-нчы хәдис, Имам Мөслим, №2706-нчы хәдис. Көндәлек тормышта укыла торган догалар