🍎🥮 Алмалы кабак пирогы
🍎🥮 Алмалы кабак пирогы Кабак ашамыйм диючеләр дә өлеш сораячак! 🥧🍏 Көз уңышыннан супер-пирог пешерәбез. Әлеге пирог өстәлдән бер күз ачып йомганчы юк булачак. Тиз, гади һәм искиткеч тәмле! Рецепт түбәндә...👇👇 КИРӘК БУЛАЧАК: 300 г кабак; 2 алма; 2 йомырка; 100 г шикәр комы; 100 г акмай; 1 стакан он; 1 чәй кашыгы камыр көпшәкләндергеч. Кабак белән алманы вак итеп турарга яки эре угычтан уарга. Йомырканы шикәр белән болгатырга, эретелгән акмай өстәргә. Он белән көпшәкләндергечне салып, камыр әзерләргә. Аңа алма һәм кабакны кушарга. Майланган табага салып, 180 градуска кадәр җылытылган мичтә 35–40 минут пешерергә. Өстәлгә биргәндә өстенә бераз шикәр оны сибәргә мөмкин.
454 просмотров