🍇 Карлыган юктыр инде, дип әйтергә ашыкмагыз! Туңдыргычта кышка дип катырып куйган кар...
🍇 Карлыган юктыр инде, дип әйтергә ашыкмагыз! Туңдыргычта кышка дип катырып куйган карлыганыгыз да бик ярап куячак. 😉 Бүген сезгә гадәти булмаган, файдалы һәм тәмле рецепт тәкъдим итәбез — карлыганлы чөгендер салаты! 😋 Карлыганның әчкелтем тәме чөгендернең татлылыгы, фета сырының йомшаклыгы белән кушылып, үзенчәлекле тәм барлыкка китерә. 1 чөгендер, 50 гр фета сыры, 50 гр үзегез яраткан чикләвекләр, берничә ботак петрушка, 120 гр кара карлыган, 2 а.к. үсемлек мае кирәк булыр. Пешкән чөгендер (духовкада фольгага төреп пешерелгәне яхшырак) белән сырны кечкенә шакмаклап турарга, чикләвек белән петрушканы вакларга. Карлыганның бер өлешен изәргә, бер өлешен шул килеш калдырырга. Туралган ингредиентлар янына карлыган белән үсемлек маен салып, болгатырга. Шундый җиңел һәм витаминлы кабымлык килеп чыга. Рецептны саклап куегыз һәм әзерләп карагыз! 💚