🪖Башҡортостандан яугир пилотһыҙ осоу аппараттары ғәскәрҙәрендә хеҙмәт итеүҙе һайлаған
🪖Башҡортостандан яугир пилотһыҙ осоу аппараттары ғәскәрҙәрендә хеҙмәт итеүҙе һайлаған Бәләбәй районы хакимиәте башлығы Азат Сәхәбиев «Тишина» ҡушаматлы яҡташы — Темирлан Ғабдулхаҡов хаҡында һөйләне. Махсус хәрби операцияға тиклем Темирлан урындағы механизация һәм электрлаштырыу колледжын тамамлаған һәм иретеп йәбештереүсе һөнәрен үҙләштергән. 2022 йылдан ул Махсус хәрби операция биләмәһендә. Яугир хеҙмәтен пехотала башлаған, шул уҡ ваҡытта пилотһыҙ осоу аппараттары менән идара итергә өйрәнгән. Хәрби подразделениела айырым БПЛА взводы ойошторолғас, үҙ теләге менән шунда күскән. Яугир әйтеүенсә, дрондар разведка мәғлүмәттәрен алырға һәм хәрбиҙәр өсөн хәүефте кәметергә ярҙам итә. Темирлан Махсус хәрби операцияла ҡатнашыусы миҙалы һәм «Хәрби ҡаҙаныштары өсөн» миҙалы менән бүләкләнгән. Өйҙә уны ата-әсәһе, ағаһы һәм һеңлеһе көтә.