Бүгүн Саха норуотуттан бастакынан Сэбиэскэй Сойуус Дьоруойун үрдүк аатын сүкпүт, киэн т... — 9 мая 2026 г. в 11:56:14.384
Бүгүн Саха норуотуттан бастакынан Сэбиэскэй Сойуус Дьоруойун үрдүк аатын сүкпүт, киэн туттар хорсун буойуммут Федор Кузьмич Попов скверигэр Кыайыы күнүн көрсө Мэҥэ Хаҥалас улууһун салалтатын көҕүлээһининэн "Дойду ситимэ" биир дойдулаахтар түмсүүлэрэ, Күн Өркөн кыһатын устудьуоннара кыттыылаах тэрээһин ыытылынна. Тэрээһиҥҥэ куорат баһылыга Евгений Николаевич Григорьев, Мэҥэ Хаҥалас улууһун баһылыга Дмитрий Иванович Тихонов, улуус общественноһа, куорат олохтоохторо кыттыыны ыллылар. Днепр өрүһү кыһыл аармыйа кэккэтиттэн бастакынан харбаан туораан, өстөөхтөрү самнаран, хорсун быһыыны оҥорбут, хас да көлүөнэҕэ холобур буолбут Федор Попов ытык аатыгар сүгүрүйэн сибэкки дьөрбөтө уурулунна, Кыайыы Өрөгөйүн ырыата дуораһыйда. Өссө төгүл Кыайыы күнүнэн бука барыгытын эҕэрдэлиибин! Сэрии ыар кэмигэр сырдык олох иһин турууласпыт дьоммут сырдык ааттарын сүрэхпитигэр иҥэринэн, кэлэр көлүөнэҕэ кэпсии, тиэрдэ сылдьыаҕыҥ. Биһиги дьоллоох олохпут туһугар олохторун толук уурбут хорсун буойуттарбыт ытык ааттарыгар сүгүрүйүөхэйиҥ! Ким да умнуллубат, туох да умнуллубат!