Ис санаата көҥүл киһи - ол дьоллоох! — 24 апреля 2026 г. в 08:46:03.315
Ис санаата көҥүл киһи - ол дьоллоох! Бэҕэһээ, муус устар 23 күнүгэр, башкир норуотун чулуу драматура Мустай Карим пьесатынан «Ый сүтэр түүнүгэр...» испэктээк сүрэхтэниитэ буолла. Испэктээккэ үөрэхпит кыһатын театральнай салаа иккис кууруһун устудьуоннара оонньоотулар. Курс маастара Мария Боппоёнова, куратор Галина Лыткина, худуоһунньук Екатерина Шапошникова. Манна да5атан эттэххэ, туруоруу СӨ ускуустубатын үтүөлээх диэйэтэлэ Екатерина Ефимовнаны кытары бииргэ үлэлэһэн таһаарбыт үһүс үлэбит буолар. Тэрээһин бэлиэ түгэнинэн, үөрэхпит кыһатын биир киэн туттар выпускнигын, Үүнэр көлүөнэ судаарыстыбаннай тыйаатырын артыыһын, Федот Федотович Львову, Арассыыйа үтүөлээх артыыһын үрдүк аатын ылбытынан эҕэрдэлээһин буолла! Испэктээк сүрэхтэниитигэр ыалдьыттаабыт күндү көрөөччүлэргэ, күүс-көмө буолбут дьоммор бука барыгытыгар барҕа махталбын биллэрэбин!