Норуотун уруккутун умнубат, дойдуга бэриниилээх буоллаҕына, бу норуот, бу дойду инникил... — 2 мая 2026 г. в 07:56:47.164
Норуотун уруккутун умнубат, дойдуга бэриниилээх буоллаҕына, бу норуот, бу дойду инникилээх буолара саарбаҕа суох. Ыччат дьон ааспыт устуоруйабытын, олорон ааспыт чулуу дьоммут оҥорбут үтүөлэрин билэр, өйдүүр, ытыктыыр дойдуһа киһи буолан тахсара, бэйэбититтэн улахан тутулуктаах. Бу күннэргэ, Күн Өркөн кыһатын ФВТ-25 группата, Дьокуускай куораппыт килбэйэр киинигэр турар ытыктыыр, сүгүрүйэр чулуу убайбыт, сахалартан бастакы Сэбиэскэй Сойуус Дьоруойа, Федор Кузьмич Попов скверин хомуйдулар. Бу тэрээһин Сэбиэскэй саллаат уустук кэмҥэ санаатын күүһүн, тулуурун туоһута буолбут, Федор Попов, сырдык мөссүөнэ ыччат өйүгэр-санаатыгар умнуллубатыгар, өйдөбүнньүктэргэ дириҥ ытыктабыл үөскүүрүгэр туһуланна. Санатар эбит буоллахха, Федор Кузьмич Попов скверэ уонна пааматынньыга былырыын Аҕа дойду Улуу сэриитигэр Өрөгөйдөөх Кыайыы 80 сылыгар аһыллыбыта. Быйыл ыам ыйын 9 күнүгэр, бу сквергэ Кыайыы күнүгэр аналлаах, саха чулуу уола, Федор Попов сырдык аатыгар сүгүрүйүү кэнсиэрэ буолуоҕа. Биир дойдулаахтарбын, Дьокуускай куорат олохтоохторун бу бэлиэ тэрээһиҥҥэ ыалдьыттыыргытыгар ыҥырабын!